Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2020 թվականի դեկտեմբերի 25-ի N 70-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2021 թվականի նոյեմբերի 10-ի թիվ «431-01/Վ-021» գնահատման հաշվետվությունը, որով անշարժ գույքը գնահատվել է 59 600 000 (հիսունինը միլիոն վեց հարյուր հազար) դրամ, հիմք ընդունելով «Մուլտի Գրուպ» կոնցեռն սահմանափակ պատասխանատվությամբ ընկերության գխավոր տնօրենի ժամանակավոր պաշտոնակատար Արայիկ Կեսոյանի դիմումը (մուտք՝ 2021 թվականի հոկտեմբերի 20-ի N Տ-615) Աբովյան համայնքի ավագանին ո ր ո շ ու մ է.
1. Համաձայնություն տալ Աբովյան համայնքի սեփականություն հանդիսացող՝ (հիմք` 2019 թվականի նոյեմբերի 4-ի N 04112019-07-0133 վկայական) Զ. Անդրանիկի փողոցի թիվ 3 հասցեում գտնվող անշարժ գույքը ուղղակի վաճառքով՝ 59 600 000 (հիսունինը միլիոն վեց հարյուր հազար) դրամ արժեքով օտարել «Մուլտի Գրուպ» կոնցեռն սահմանափակ պատասխանատվությամբ ընկերությանը:
2. «Մուլտի Գրուպ» կոնցեռն սահմանափակ պատասխանատվությամբ ընկերությունը պարտավոր է վճարել.
1) համայնքապետարանի 900105201777 հաշվեհամարին 59 600 000 (հիսունինը միլիոն վեց հարյուր հազար) դրամ` անշարժ գույքի գինը.
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է «Մուլտի Գրուպ» կոնցեռն սահմանափակ պատասխանատվությամբ ընկերության կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում «Մուլտի Գրուպ» կոնցեռն սահմանափակ պատասխանատվությամբ ընկերությանը որոշման ընդունման մասին իրազեկելու օրվան հաջորդող օրվանից: |