Համաձայն Հողային օրենսգրքի 66-րդ հոդվածի 1-ին մասի 4-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 3-րդ հոդվածի 3-րդ մասի և 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն, 2020 թվականի հունիսի 4-ի N 1023-Ն որոշումների, Աբովյան համայնքի ավագանու 2024 թվականի օգոստոսի 13-ի N 111-Ն, դեկտեմբերի 24-ի և 203-Ն և 229-Ա որոշումների, հաշվի առնելով Առաքել Գրիգորյանի դիմումը (մուտք՝ 2024 թվականի դեկտեմբերի 12-ի N Ք-8974) և համաձայնությունը.
1. Աբովյան համայնքի սեփականություն հանդիսացող (հիմք` 2021 թվականի ապրիլի 20-ի N 20042021-07-0107 վկայական) Գեղաշեն գյուղի 6-րդ փողոցի թիվ 1/1/1 հասցեում գտնվող կիսակառույց շինությունը՝ 70.1 քառակուսի մետր արտաքին և 57.09 քառակուսի մետր ներքին մակերեսներով և դրա պահպանման ու սպասարկման համար առանձնացված 999.0 քառակուսի մետր մակերեսով բնակելի կառուցապատման հողամասը գնման նախապատվության իրավունքով ուղղակի վաճառքով օտարել կառույցն իրականացրած Առաքել Բալաբեկի Գրիգորյանին:
2. Ընդունել ի գիտություն, որ`
1) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
2) շինությունը, համաձայն համայնքի տարածական պլանավորման փաստաթղթերի, կառուցված չէ Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
3) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:
3. Ուղղակի վաճառքի գները սահմանված են հետևյալ հաշվարկով.
1) շինության 1 քառակուսի մետրի համար` 2 418 (երկու հազար չորս հարյուր տասնութ) դրամ (տարածագնահատման 14-րդ գոտի, կիրառված գործակիցը` 0.1209).
2) առանձնացված հողամասի 1 քառակուսի մետրի կադաստրային արժեքը` 1 221.0 (հազար երկու հարյուր քսանմեկ ամբողջ զրո) դրամ:
4. Առաքել Գրիգորյանը պարտավոր է վճարել.
1) համայնքապետարանի 900105201777 հաշվեհամարին՝ 169 502 (հարյուր վաթսունինը հազար հինգ հարյուր երկու) դրամ` շինության գինը.
2) համայնքապետարանի 900105201363 հաշվեհամարին` 1 219 780 (մեկ միլիոն երկու հարյուր տասնինը հազար յոթ հարյուր ութսուն) դրամ` հողամասի գինը.
3) համայնքապետարանի 900105201652 հաշվեհամարին` 65 000 (վաթսունհինգ հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար, 10 000 (տասը հազար) դրամ` հասցեի տրամադրման ծառայության վճար:
5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Առաքել Գրիգորյանի կողմից:
6. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
7. Սույն որոշումն ուժի մեջ է մտնում Առաքել Գրիգորյանին որոշման ընդունման մասին իրազեկելու օրվան հաջորդող օրվանից: