Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ բնակելի տունը և պարիսպը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Անդրանիկ Ալեքսանյանի լիազորած անձ Էլմիրա Ալեքսանյանի դիմումը (մուտք՝ 2024 թվականի սեպտեմբերի 27-ի N Ք-7101).
1. Անդրանիկ Հրաչիկի Ալեքսանյանին սեփականության իրավունքով պատկանող (հիմք՝ 2007 թվականի մայիսի 17-ի N 2307387 վկայական) Աբովյան համայնքի Աբովյան քաղաքի Կոտայքի փողոցի թիվ 3 հասցեում գտնվող 580.0 քառակուսի մետր մակերեսով բնակելի կառուցապատման հողամասում ինքնակամ կառուցված 254.7 քառակուսի մետր արտաքին,  197.6 քառակուսի մետր ներքին մակերեսով բնակելի տունը,  5.4 քառակուսի մետր մակերեսով պարիսպը համարել օրինական (Կադաստրի կոմիտեում հաշվառման ծածկագիր՝ 2023RFQNFX) :
2. Անդրանիկ Ալեքսանյանը պարտավոր է ինքնակամ կառուցված բնակելի տան և պարիսպի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 833 881  (ութ հարյուր երեսուներեք հազար  ութ հարյուր ութսունմեկ) դրամ, հակառակ դեպքում՝ սույն որոշումը կհամարվի ուժը կորցրած:
3. Սույն որոշումն ուժի մեջ է մտնում  որոշման ընդունման մասին իրազեկելու օրվան հաջորդող օրվանից։