Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2020 թվականի դեկտեմբերի 25-ի N 70-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2021 թվականի հոկտեմբերի 12-ի թիվ «387Ա-01/Վ-021» գնահատման հաշվետվությունը, որով անշարժ գույքը գնահատվել է 880 000 (ութ հարյուր ութսուն հազար) դրամ, նկատի ունենալով այն հանգամանքը, որ Սարգիս Գևորգյանը 1977 թվականից բնակվում է Սևանի փողոցի 2/1 շենքի թիվ 108 բնակարանում, հիմք ընդունելով Սարգիս Գևորգյանի դիմումը (մուտք՝ 2021 թվականի հոկտեմբերի 11-ի N Ք-3209), Աբովյան համայնքի ավագանին ո ր ո շ ու մ է`
1. Համայնքային սեփականություն հանդիսացող (հիմք` 2021 թվականի սեպտեմբերի 27-ի N 27092021-07-0138 վկայական) Աբովյան քաղաքի Սևանի փողոցի 2/1 շենքի 87.2 քառակուսի մետր ընդհանուր մակերեսով թիվ 108 բնակարանն ուղղակի վաճառքով՝ 880 000 (ութ հարյուր ութսուն հազար) դրամով օտարել Սարգիս Գևորգյանին:
2. Սարգիս Գևորգյանը պարտավոր է վճարել.
1) համայնքապետարանի 900105201777 հաշվեհամարին 880 000 (ութ հարյուր ութսուն հազար) դրամ` բնակարանի գինը.
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սարգիս Գևորգյանի կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում Սարգիս Գևորգյանին որոշման ընդունման մասին իրազեկելու օրվան հաջորդող օրվանից: |