Զեկ. ԱՆՆԱ ՉՈԲԱՆՅԱՆ

Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի,  Քաղաքացիական օրենսգրքի 685-699-րդ հոդվածների և հաշվի առնելով «Հայաստանի «Սևան» գյուղական մարզական հասարակական կազմակերպության Աբովյանի մանկա-պատանեկան մարզադպրոց»  հիմնարկի տնօրենի դիմումը (մուտք՝ 2023 թվականի մարտի 13-ի N Տ-404), Աբովյան համայնքի ավագանին ո ր ո շ ու մ  է՝
1. Աբովյան համայնքին սեփականության իրավունքով պատկանող (հիմք՝ 2022 թվականի հունիսի 23-ի N 23062022-07-0040 վկայական) Աբովյան քաղաքի Հանրակացարանային թաղամասի 5 շենքի 5/1  հասցեում գտնվող անշարժ գույքն  անորոշ ժամկետով, անհատույց օգտագործման իրավունքով տրամադրել  «Հայաստանի «Սևան» գյուղական մարզական հասարակական կազմակերպության Աբովյանի մանկա-պատանեկան մարզադպրոց»  հիմնարկին։
2. Սահմանել, որ սույն որոշումից ծագող գույքային իրավունքների պետական գրանցման հետ կապված վճարների ու տուրքերի վճարումները կատարվում են «Հայաստանի «Սևան» գյուղական մարզական հասարակական կազմակերպության Աբովյանի մանկա-պատանեկան մարզադպրոց»  հիմնարկի կողմից։
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։