Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1918-Ն որոշմամբ հաստատված կարգի 17-րդ կետի, հաշվի առնելով Հայաստանի Հանրապետության Կոտայքի մարզպետի 22.07.2022 թվականի N 01.2/12/04305-2022 գրությունը (մուտք՝ 2022 թվականի հուլիսի 26-ի N Պ-1080) և հիմք ընդունելով հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2022 թվականի նոյեմբերի 15-ի N 146 դրական եզրակացությունը, Աբովյան համայնքի ավագանին ո ր ո շ ու մ է.
1. Փոխել Աբովյան համայնքի սեփականություն հանդիսացող (հիմք՝ 2020 թվականի փետրվարի 27-ի N 27022020-07-0089 վկայական) Կաթնաղբյուր գյուղում  գտնվող 07-034-0104-0013 կադաստրային ծածկագրով 0.7886 հեկտար մակերեսով գյուղատնտեսական նշանակության  հողամասի (վարելահող) նպատակային նշանակությունը որպես բնակավայրերի նպատակային նշանակության հասարակական կառուցապատման հողամաս։
2. Սույն որոշումն ուժի մեջ է մտնում  ընդունմանը հաջորդող օրվանից: