ՆԱԽԱԳԻԾ

Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ և 24-րդ կետերի, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» 2021 թվականի դեկտեմբերի 16-ի օրենքի, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 29-րդ, 50-րդ և 55-րդ կետերի, 2006 թվականի մայիսի 18-ի N 731-Ն, N 912-Ն, 2011 թվականի դեկտեմբերի 29-ի N 1920-Ն որոշումների, հաշվի առնելով Էդիկ Մեժունցի լիազորած անձ Վարուժան Մեժունցի դիմումը (մուտք՝ 2024 թվականի նոյեմբերի 13-ի N Ք-8241).
1. Աբովյան համայնքի Աբովյան քաղաքի Կարմիր բանակի փողոցում գտնվող համայնքի սեփականություն հանդիսացող 402.9 քառակուսի մետր մակերեսով հողամասում ինքնակամ կառուցված 79.0 քառակուսի մետր արտաքին և 59.03 քառակուսի մետր ներքին մակերեսով բնակելի տունը, 2.9 քառակուսի մետր արտաքին և 1.95 քառակուսի մետր ներքին մակերեսով սանհանգույցը, 16.7 քառակուսի մետր արտաքին և 11.0 քառակուսի մետր ներքին մակերեսով օժանդակ շինությունը, 10.67 քառակուսի մետր մակերեսով ծածկ և 0,33 քառակուսի մետր մակերեսով պարիսպը համարել Աբովյան համայնքի սեփականություն և ճանաչել օրինական (Կադաստրի կոմիտեում հաշվառման ծածկագիր՝ 2023VJN5VK):
2. Ընդունել ի գիտություն, որ`
1) շինությունների պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
2) շինությունները, համաձայն համայնքի գլխավոր հատակագծի, կառուցված չեն Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
3) շինությունները կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք:
3. Հաստատել սույն որոշման 1-ին կետով օրինական ճանաչված շինությունների և դրանց պահպանման ու սպասարկման համար առանձնացված հողամասի հատակագիծը (կցվում է):
4. Սույն որոշման 1-ին կետում նշված շինությունների պահպանման ու սպասարկման համար առանձնացված հողամասից այլ հողեր հողամասի գործառնական նշանակությունը համարել փոփոխված, որպես բնակելի կառուցապատման հողամաս և անշարժ գույքին տրամադրել հասցե` համայնք Աբովյան, քաղաք Աբովյան, Կարմիր բանակի փողոց, 5/25 բնակելի տուն:
5. Սույն որոշումն` ընդունման օրվանից 5-օրյա ժամկետում, տրամադրել անշարժ գույքի կադաստրի համապատասխան ստորաբաժանմանը:
6. Սույն որոշումից ծագող իրավունքի պետական գրանցման օրվանից 15 աշխատանքային օրվա ընթացքում գրավոր առաջարկություն անել ինքնակամ կառույցներն իրականացրած Էդիկ Մեժունցին` սույն որոշման 1-ին կետում նշված օրինականացված կառույցները և համապատասխան հողամասը գնման նախապատվության իրավունքով (ուղղակի վաճառք) տրամադրելու մասին:
7. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։