Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1920-Ն որոշմամբ հաստատված կարգի 24-րդ կետի 3-րդ ենթակետի, Աբովյան համայնքի ավագանու 2023 թվականի դեկտեմբերի 22-ի N 199-Ն և 2024 թվականի օգոստոսի 13-ի N 111-Ն որոշումների, հիմք ընդունելով Արման Խաչատրյանի դիմումը (մուտք՝ 2024 թվականի հոկտեմբերի 25-ի N Ք-7733).
1. Արման Խաչատրյանին պատկանող (հիմք՝ 2021 թվականի հունիսի 10-ի N 10062021-07-0050 վկայական) Աբովյան համայնքի Կամարիս գյուղի 8-րդ փողոցի 12/1 հասցեում գտնվող 1097,52 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասից 276,0 քառակուսի մետր մակերեսով մասի (ըստ «ՔԱՂ ՇԻՆ» սահմանափակ պատասխանատվությամբ ընկերության կողմից 2024 թվականի հոկտեմբերի 21-ին կազմված հատակագծի՝ կցվում է) գործառնական նշանակությունը փոփոխել որպես հասարակական կառուցապատման հողամաս:
2. Արման Խաչատրյանը պարտավոր է Աբովյանի համայնքապետարանի 900105201652 հաշվեհամարին վճարել 32 600 (երեսուներկու հազար վեց հարյուր) դրամ` հողամասի գործառնական նշանակության փոփոխության ծառայության վճար։
3. Սույն որոշումն ուժի մեջ է մտնում Արման Խաչատրյանին որոշման ընդունման մասին իրազեկելու օրվան հաջորդող օրվանից: |