Համաձայն Հողային օրենսգրքի 67-70-րդ հոդվածների,  «Տեղական  ինքնակառավարման  մասին» օրենքի 35-րդ  հոդվածի 1-ին մասի 16-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի  22-28-րդ կետերի, Աբովյան համայնքի ավագանու 2023 թվականի  դեկտեմբերի 22-ի N 198-Ն, N 199-Ն և N 217-Ա որոշումների, հիմք ընդունելով հողամասն աճուրդով վաճառելու մասին 2024 թվականի նոյեմբերի 20-ի N 32 արձանագրությունը.
1. Աբովյան համայնքի սեփականություն հանդիսացող (հիմք` 2024 թվականի փետրվարի 29-ի N 29022024-07-0161 վկայական) Աբովյան համայնքի Կամարիս գյուղի 13-րդ փողոցի  թիվ 5 հասցեում գտնվող 1219.6 քառակուսի մետր մակերեսով հողամասն օտարել Վահե Հովհաննեսի Ամիրխանյանին։
2. Ընդունել ի գիտություն, որ սույն որոշման 1-ին կետում նշված հողամասը հանդիսանում է բնակավայրերի նշանակության բնակելի կառուցապատման հողամաս, գտնվում է տարածագնահատման 13-րդ գոտում, հողամասի 1 քառակուսի մետրի կադաստրային արժեքը 1877.7 (հազար ութ հարյուր յոթանասունյոթ ամբողջ յոթ) դրամ է, չի հանդիսանում Հողային օրենսգրքի 60-րդ հոդվածով սահմանված հողամաս:
3. Վահե Հովհաննեսի Ամիրխանյանը պարտավոր է.
1) համայնքապետարանի 900105201363 հաշվեհամարին վճարել 2 409 750 (երկու միլիոն չորս հարյուր ինը հազար յոթ հարյուր հիսուն) դրամ` հողամասի գինը.
2) համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ տեղական վճար` համայնքի տնօրինության ներքո գտնվող հողերը հատկացնելու դեպքում փաստաթղթերի (փաթեթի) նախապատրաստման համար, 10 000 (տասը հազար) դրամ՝ հասցեի տրամադրման ծառայության վճար:
4. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Վահե Հովհաննեսի Ամիրխանյանի կողմից:
5. Սույն որոշումն ուժի մեջ է մտնում  Վահե Հովհաննեսի Ամիրխանյանին որոշման ընդունման մասին իրազեկելու օրվան  հաջորդող օրվանից: