Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի, 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների և հիմք ընդունելով Անթառամ Սեդրակյանի դիմումը (մուտք՝ 2023 թվականի դեկտեմբերի 06-ի N Ք-8029), Աբովյան համայնքի ավագանին ո ր ո շ ու մ է.
1. Անթառամ Ռաֆայելի Սեդրակյանին սեփականության իրավունքով պատկանող (հիմք՝ 2023 թվականի ապրիլի 03-ի N 03042023-07-0090 վկայական) Աբովյան համայնքի Աբովյան քաղաքի Հատիսի փողոցի 1/100 հասցեում գտնվող 07-002-0036-0479 կադաստրային ծածկագրով բնակավայրերի նպատակային նշանակության կառուցապատման 890.2 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2023 թվականի սեպտեմբերի 27-ի N 27092023-07-0194 վկայական) Աբովյան քաղաքի Հատիսի փողոցի 1/124 հասցեում գտնվող 07-002-0036-0702 կադաստրային ծածկագրով 104.0 քառակուսի մետր մակերեսով բնակավայրերի նպատակային նշանակության կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0036-0479 կադաստրային ծածկագրով հողամասի սեփականատեր Անթառամ Ռաֆայելի Սեդրակյանին։
2. Անթառամ Ռաֆայելի Սեդրակյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 710 768 (յոթ հարյուր տասը հազար յոթ հարյուր վաթսունութ) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Անթառամ Սեդրակյանի կողմից։
4. Սույն որոշումն ուժի մեջ է մտնում Անթառամ Սեդրակյանին որոշման ընդունման մասին իրազեկելու օրվան հաջորդող օրվանից։