Համաձայն «Տեղական ինքնակառավարման մասին» օրենքի 42-րդ հոդվածի 1-ին մասի 6-րդ կետի, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2024 թվականի դեկտեմբերի 24-ի N 203-Ն և 2025 թվականի հունվարի 23-ի N 03-Ն որոշումների, հաշվի առնելով Կոտայքի մարզպետի 2025 թվականի մարտի 26-ի N 01/03/02721-2025 գրությունը (մուտք՝ 2025 թվականի մարտի 27-ի N Պ-758) և «ԱԳ ՊՐՈՋԵԿՏ» սահմանափակ պատասխանատվությամբ ընկերության դիմումը (մուտք՝ 2025 թվականի մարտի 28-ի N Տ-877).
1. Համաձայնություն տալ Աբովյան համայնքի Մայակովսկի գյուղի 1-ին փողոցի թիվ 2/1 հասցեում գտնվող «ՎԻՐԱ» սահմանափակ պատասխանատվությամբ ընկերությանը պատկանող տարածքի դիմացով անցնող գազատարի վերատեղադրումը նախագծել «ԳԱԶՊՐՈՄ ԱՐՄԵՆԻԱ» փակ բաժնետիրական ընկերության Աբովյանի գազաֆիկացման և գազամատակարման մասնաճյուղի կողմից 2025 թվականի հունվարի 17-ին տրված տեխնիկական պայմանի ուղեգծով և «ԱԳ ՊՐՈՋԵԿՏ» սահմանափակ պատասխանատվությամբ ընկերությանը տրամադրել գազատար խողովակի վերատեղադրման շինարարության թույլտվություն (շինարարության թույլտվությունը կցվում է):
2. «ԱԳ ՊՐՈՋԵԿՏ» սահմանափակ պատասխանատվությամբ ընկերությունը պարտավոր է.
1) Աբովյանի համայնքապետարանի 900105201652 հաշվեհամարին վճարել 100 000 (հարյուր հազար) դրամ՝ ինժեներական ենթակառուցվածքների մոնտաժման աշխատանքների համաձայնության տրամադրման ծառայության վճար.
2) Աբովյանի համայնքապետարանի 900105201801 հաշվեհամարին վճարել 3 000 (երեք հազար) դրամ տեղական տուրք` շինարարության թույլտվության համար:
3) Քանդված հատվածները վերականգնել տասնհինգօրյա ժամկետում:
3. Շինարարական աշխատանքները կատարելիս անհրաժեշտ է տեղեկացնել Հայաստանի Հանրապետության ներքին գործերի նախարարությանը և մյուս շահագրգիռ կազմակերպություններին:
4. Սույն որոշումն ուժի մեջ է մտնում «ԱԳ ՊՐՈՋԵԿՏ» սահմանափակ պատասխանատվությամբ ընկերությանը որոշման ընդունման մասին իրազեկելու օրվան հաջորդող օրվանից: