Զեկ. ՍՈՍ ԽԵՉՈՅԱՆ

     Համաձայն «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 2-րդ մասի, «Իրավական ակտերի մասին» Հայաստանի Հանրապետության օրենքի 72-րդ հոդվածի, Հայաստանի Հանրապետության քաղաքացիական օրենսգրքի 466-րդ հոդվածի, հաշվի առնելով Հայաստանի Հանրապետության Ոստիկանության տնտեսական վարչության պետի 2016 թվականի նոյեմբերի 23-ի N 11/2814 (մուտք՝ 29.11.2016 թվականի N Պ-1389) գրությունը և Աբովյանի համայնքապետարանի աշխատակազմի քաղաքաշինության բաժնի պետի զեկուցագիրը (մուտք՝ 2016 թվականի դեկտեմբերի 02-ի N Ք-2042), Աբովյան համայնքի  ավագանին  ո ր ո շ ու մ է `
     1.  ՈՒժը կորցրած ճանաչել Աբովյան համայնքի ավագանու 2013 թվականի դեկտեմբերի 23-ի «Աբովյանի քաղաքային  համայնքի սեփականություն հանդիսացող Հատիսի փողոցի թիվ 60 հասցեում գտնվող հողամասն անհատույց օգտագործման իրավունքով տրամադրելու մասին» N 202-Ա որոշումը:
     2. Վաղաժամկետ լուծել Աբովյան համայնքի ղեկավարի և Հայաստանի Հանրապետության Ոստիկանության միջև 2014 թվականի հունիսի 06-ին կնքված (գրանցված է ՀՀ Կոտայք նոտարական տարածքի նոտարի սեղանամատյանում N 3285) հողամասի անհատույց օգտագործման պայմանագիրը: 
     3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների և տուրքերի վճարումը կատարվում է  Հայաստանի Հանրապետության  Ոստիկանության կողմից:
     4. Սույն որոշումն ուժի մեջ է մտնում ընդունմանը հաջորդող օրվանից: