Համաձայն Հողային օրենսգրքի 50-րդ հոդվածի 3-րդ մասի 1-ին կետի, Քաղաքացիական օրենսգրքի 211-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի և հիմք ընդունելով «Ռուբիկ Հարությունյանի անվան Աբովյանի բժշկական կենտրոն» փակ բաժնետիրական ընկերության գրությունը (մուտք՝ 2022 թվականի հունիսի 29-ի N Տ-768), Աբովյան համայնքի ավագանին ո ր ո շ ու մ է.
1. Աբովյան համայնքի սեփականություն հանդիսացող (հիմք՝ 2022 թվականի հունիսի 27-ի N 27062022-07-0210 վկայական) Աբովյան քաղաքի Հատիսի փողոցի 6/39 հասցեում գտնվող 07-002-0116-0440 կադաստրային ծածկագրով 0.00443 հեկտար բնակավայրերի նպատակային նշանակության հասարակական կառուցապատման հողամասը, անհատույց, անորոշ ժամանակով, սահմանափակ օգտվելու իրավունքով (սերվիտուտով) տրամադրել «Ռուբիկ Հարությունյանի անվան Աբովյանի բժշկական կենտրոն» փակ բաժնետիրական ընկերությանը՝ հողամասով անցնելու և /կամ/ երթևեկելու համար։
2. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է «Ռուբիկ Հարությունյանի անվան Աբովյանի բժշկական կենտրոն» փակ բաժնետիրական ընկերության կողմից։
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։ |