Զեկ. ՄԱՆՈՒԿ ՀԱԿՈԲՅԱՆ

      Ղեկավարվելով Հայաստանի Հանրապետության քաղաքացիական օրենսգրքի 685-699-րդ հոդվածներով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, համայնքում ֆուտբոլային ավանդույթների զարգացման և սպորտային կյանքի ակտիվացման նպատակով, հաշվի առնելով Աբովյան համայնքի սեփականություն հանդիսացող գույքի արդյունավետ կառավարման անհրաժեշտությունը, հիմք ընդունելով «Հայաստանի ֆուտբոլի ֆեդերացիա» իրավաբանական անձանց միության նախագահի գրությունները (մուտք՝ 2018 թվականի փետրվարի 12-ի N Պ-336 և փետրվարի 21-ի N Պ-431), Աբովյան համայնքի ավագանին  ո ր ո շ ու մ  է՝         
     1. Աբովյան համայնքի սեփականություն հանդիսացող Աբովյան քաղաքի Նաիրյան փողոցի թիվ 3 հասցեում գտնվող մարզահամալիրը (հիմք՝ 2018 թվականի մարտի 20-ին տրված սեփականության իրավունքի գրանցման վկայական N 20032018-07-0041) անհատույց օգտագործման իրավունքով տրամադրել «Հայաստանի ֆուտբոլի ֆեդերացիա» իրավաբանական անձանց միությանը՝ անհատույց օգտագործման իրավունքը ձեռք բերելու պահից  5 տարվա ընթացքում մարզահամալիրը հիմնովին վերակառուցելու և միջազգային չափանիշներին համապատասխանեցնելու նպատակով։
     2.  Անհատույց օգտագործման իրավունքի տրամադրման պայմանագրի նոտարական վավերացման և պետական գրանցման ծախսերը կրում է «Հայաստանի ֆուտբոլի ֆեդերացիա» իրավաբանական անձանց միությունը:
     3. Սույն որոշումն ուժի մեջ է մտնում ընդունմանը հաջորդող օրվանից։