Համաձայն Հայաստանի Հանրապետության ֆինանսների և էկոնոմիկայի նախարարի 2007 թվականի հոկտեմբերի 31-ի N 787-Ն հրամանի, հաշվի առնելով «Աբովյանի համայնքային գրադարան» մշակութային հաստատություն համայնքային ոչ առևտրային կազմակերպության տնօրենի զեկուցագիրը (մուտք՝ 2017 թվականի մայիսի 10-ի N Տ-88), Աբովյանի համայնքապետարանի և համայնքային ոչ առևտրային կազմակերպությունների հիմնական միջոցների դուրս գրման հանձնաժողովի 2017 թվականի մայիսի 20-ի արձանագրությունը, Աբովյան համայնքի ավագանին ո ր ո շ ու մ է`
1. Դուրս գրել «Աբովյանի համայնքային գրադարան» մշակութային հաստատություն համայնքային ոչ առևտրային կազմակերպության մաշված, արդիականությունը կորցրած և ընթերցողների կողմից պահանջարկ չունեցող 42 022 (քառասուներկու հազար քսաներկու) հատ գրքերը` 1 455 643 (մեկ միլիոն չորս հարյուր հիսունհինգ հազար վեց հարյուր քառասուներեք) դրամ արժողությամբ:
2. Սույն որոշումն ուժի մեջ է մտնում ընդունմանը հաջորդող օրվանից:
|