Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայնքի ավագանու 2020 թվականի դեկտեմբերի 25-ի N 70-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2021 թվականի հոկտեմբերի 15-ի թիվ «387Ե-01/Վ-021» գնահատման հաշվետվությունը, որով անշարժ գույքը գնահատվել է 485 000 (չորս հարյուր ութսունհինգ հազար) դրամ, նկատի ունենալով այն հանգամանքը, որ Սիրանուշ Առաքելյանի ընտանիքը 1997 թվականից բնակվում է Կարմիր Բանակի փողոցի 8 շենքի թիվ 6 բնակարանում, սակայն ընտանեկան հանգամանքներից ելնելով այն չի սեփականաշնորհել, հիմք ընդունելով Սիրանուշ Առաքելյանի դիմումը (մուտք՝ 2021 թվականի նոյեմբերի 3-ի N Ք-3393), Աբովյան համայնքի ավագանին ո ր ո շ ու մ է`
1. Համայնքային սեփականություն հանդիսացող (հիմք` 2021 թվականի օգոստոսի 20-ի N 20082021-07-0123 վկայական) Աբովյան քաղաքի Կարմիր Բանակի փողոցի 8 շենքի 40.38 քառակուսի մետր ընդհանուր մակերեսով թիվ 6 բնակարանն ուղղակի վաճառքով` 485 000 (չորս հարյուր ութսունհինգ հազար) դրամով, օտարել Սիրանուշ Առաքելյանին, Բորիս, Դավիթ, Սոնա, Սիրանուշ Գրիգորյաններին և Աննա Կոստանդյանին:
2. Սույն որոշման 1-ին կետում նշված անձինք պարտավոր են վճարել.
1) համայնքապետարանի 900105201777 հաշվեհամարին 485 000 (չորս հարյուր ութսունհինգ հազար) դրամ` բնակարանի գինը,
2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: |