Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով Վան Հայրապետյանի դիմումը (մուտք՝ 2025 թվականի ապրիլի 21-ի N Ք-2672), Աբովյան համայնքի ավագանին ո ր ո շ ու մ է.
1. Վան Հայրապետյանին սեփականության իրավունքով պատկանող (հիմք՝ 2024 թվականի սեպտեմբերի 11-ի N 11092024-07-0178 վկայական) Աբովյան համայնքի Պտղնի գյուղի Պտղնի-3 այգետարածքի 5-րդ թաղամասի թիվ 48 հասցեում գտնվող 07-054-0204-0029 կադաստրային ծածկագրով բնակավայրերի նշանակության 510.0 քառակուսի մետր մակերեսով բնակելի կառուցապատման հողամասին կից Աբովյան համայնքի սեփականություն հանդիսացող (հիմք՝ 2025 թվականի ապրիլի 02-ի N 02042025-07-0188 վկայական) Աբովյան համայնք Պտղնի գյուղի Պտղնի-3 այգետարածքի թիվ 48/1 հասցեում գտնվող 07-054-0204-0094 կադաստրային ծածկագրով 122.48 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-054-0204-0029 կադաստրային ծածկագրով հողամասի սեփականատեր Վան Ռուբենի Հայրապետյանին։
2. Վան Հայրապետյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 353 670 (երեք հարյուր հիսուներեք հազար վեց հարյուր յոթանասուն) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Վան Հայրապետյանի կողմից։
4. Սույն որոշումն ուժի մեջ է մտնում Վան Հայրապետյանին որոշման ընդունման մասին իրազեկելու օրվան հաջորդող օրվանից։