Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ, 3-րդ և 6-րդ ենթակետերի, 2-րդ կետի, Աբովյան համայնքի ավագանու 2022 թվականի ապրիլի 15-ի N 25-Ն և N 26-Ն որոշումների և հիմք ընդունելով Մանվել Խաչատրյանի դիմումը (մուտք՝ 2022 թվականի սեպտեմբերի 15-ի N Ք-4660), Աբովյան համայնքի ավագանին ո ր ո շ ու մ է.
1. Մանվել Հայկազի Խաչատրյանին սեփականության իրավունքով պատկանող (հիմք՝ 2020 թվականի դեկտեմբերի 07-ի N 07122020-07-0109 վկայական) Աբովյան քաղաքի Տարտուի փողոցի թիվ 1/10/4 հասցեում գտնվող 07-002-0082-0082 կադաստրային ծածկագրով բնակավայրերի նպատակային նշանակության հասարակական կառուցապատման 15.0 քառակուսի մետր մակերեսով հողամասին կից Աբովյան համայնքի սեփականություն հանդիսացող (հիմք՝ 2021 թվականի հուլիսի 07-ի N 07072021-07-0048 վկայական) Աբովյան քաղաքի Տարտուի փողոցի թիվ 1/10/4/1 հասցեում գտնվող 07-002-0082-0427 կադաստրային ծածկագրով 14.9 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասը, կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0082-0082 կադաստրային ծածկագրով հողամասի սեփականատեր Մանվել Հայկազի Խաչատրյանին։
2. Մանվել Խաչատրյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 241 032 (երկու հարյուր քառասունմեկ հազար երեսուներկու) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Մանվել Խաչատրյանի կողմից։
4. Սույն որոշումն ուժի մեջ է մտնում Մանվել Խաչատրյանին որոշման ընդունման մասին իրազեկելու օրվան հաջորդող օրվանից։