Համաձայն «Նորմատիվ իրավական ակտերի մասին» օրենքի 33-րդ և 34-րդ հոդվածների, Հայաստանի Հանրապետության կառավարության 2015 թվականի մարտի 19-ի N 596-Ն որոշման, Աբովյան համայնքի ավագանու 2025 թվականի հունվարի 23-ի N 03-Ն որոշման, հիմք ընդունելով «ՎԵԼԵՍ ԳՐՈՒՊ» սահմանափակ պատասխանատվությամբ ընկերության կողմից 2025 թվականի ապրիլի 07-ին լրամշակված և փոփոխված աշխատանքային նախագիծը, հաշվի առնելով Ազատ Ռաֆաելյանի դիմումը (մուտք՝ 2025 թվականի մայիսի 16-ի N Ք-3254).
1. Համաձայնեցնել Աբովյան համայնքի ղեկավարի 2024 թվականի ապրիլի 17-ի «Ազատ Ռաֆաելյանին շինարարության թույլտվություն տալու մասին» N 1884 որոշմամբ հաստատված N 202 շինարարության թույլտվությամբ սահմանված նախագծային փաստաթղթերում կատարված փոփոխությունը և տալ շինարարության թույլտվություն:
2. Ազատ Ռաֆաելյանը պարտավոր է Աբովյանի համայնքապետարանի 900105201454 հաշվեհամարին մուծել 45 000 (քառասունհինգ հազար) դրամ տեղական տուրք՝ շինարարության թույլտվության համար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: