Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի, 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների և հիմք ընդունելով Էդիկ Ենգիբարյանի դիմումը (մուտք՝ 2024 թվականի մայիսի 29-ի N Ք-3873), Աբովյան համայնքի ավագանին ո ր ո շ ու մ է.
1. Էդիկ Եղիշի Ենգիբարյանին սեփականության իրավունքով պատկանող (հիմք՝ 2021 թվականի օգոստոսի 26-ի N 26082021-07-0211 վկայական) Աբովյան համայնքի Աբովյան քաղաքի 8-րդ միկրոշրջանի 4-րդ թաղամասի 46 հասցեում գտնվող 07-002-0018-0023 կադաստրային ծածկագրով բնակավայրերի նպատակային նշանակության 504,0 քառակուսի մետր մակերեսով բնակելի կառուցապատման հողամասին կից Աբովյան համայնքի սեփականություն հանդիսացող (հիմք՝ 2024 թվականի ապրիլի 16-ի N 16042024-07-0149 վկայական) Աբովյան քաղաքի 8-րդ միկրոշրջանի 4-րդ թաղամասի 46/1 հասցեում գտնվող 07-002-0018-0024 կադաստրային ծածկագրով 107,2 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-002-0018-0023 կադաստրային ծածկագրով հողամասի սեփականատեր Էդիկ Եղիշի Ենգիբարյանին։
2. Էդիկ Ենգիբարյանը պարտավոր է՝
1) Աբովյանի համայնքապետարանի 900105201363 հաշվեհամարին վճարել 732 637 (յոթ հարյուր երեսուներկու հազար վեց հարյուր երեսունյոթ) դրամ՝ ընդլայնվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Էդիկ Ենգիբարյանի կողմից։
4. Սույն որոշումն ուժի մեջ է մտնում Էդիկ Ենգիբարյանին որոշման ընդունման մասին իրազեկելու օրվան հաջորդող օրվանից։