Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հողային օրենսգրքի 71-րդ հոդվածի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, հաշվի առնելով «ՍԻՓԱՆ ՀՅՈՒՐԱՆՈՑ» սահմանափակ պատասխանատվությամբ ընկերության տնօրենի դիմումը (մուտք՝ 2019 թվականի մայիսի 23-ի N Ք-1055), Աբովյան համայնքի ավագանին ո ր ո շ ու մ է. 
    1. Համաձայնություն տալ «ՍԻՓԱՆ ՀՅՈՒՐԱՆՈՑ» սահմանափակ պատասխանատվությամբ ընկերությանը սեփականության իրավունքով պատկանող (հիմք` 2019 թվականի մայիսի 16-ի N 16052019-07-0108 վկայական) Աբովյան քաղաքի Բարեկամության հրապարակի թիվ 3/3/1 հասցեում գտնվող 1500.0 քառակուսի մետր մակերեսով բնակելի կառուցապատման հողամասի փոխանակմանը Աբովյան համայնքի սեփականություն հանդիսացող (հիմք` 2019 թվականի մայիսի 10-ի N 10052019-07-0079 վկայական) Աբովյան քաղաքի Բարեկամության հրապարակի թիվ 3/5 հասցեում գտնվող 1500.0 քառակուսի մետր մակերեսով հասարակական կառուցապատման հողամասի հետ:
    2. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է «ՍԻՓԱՆ ՀՅՈՒՐԱՆՈՑ» սահմանափակ պատասխանատվությամբ ընկերության կողմից:
    3. Սույն որոշումն ուժի մեջ է մտնում «ՍԻՓԱՆ ՀՅՈՒՐԱՆՈՑ» սահմանափակ պատասխանատվությամբ ընկերությանը որոշման ընդունման մասին իրազեկելու օրվան հաջորդող օրվանից: