Համաձայն Հողային օրենսգրքի 66-րդ հոդվածի 1-ին մասի 4-րդ կետի, «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 7-րդ հոդվածի 8-րդ մասի և իրավահարաբերության պահին գործող Հայաստանի Հանրապետության կառավարության 2003 թվականի ապրիլի 17-ի N 470-Ն որոշման, Հայաստանի Հանրապետության կառավարության 2006 թվականի մայիսի 18-ի N 912-Ն որոշման, Աբովյան համայնքի ավագանու 2023 թվականի նոյեմբերի 16-ի N 186-Ա, 2024 թվականի օգոստոսի 13-ի N 111-Ն, դեկտեմբերի 24-ի N 203-Ն և 2025 թվականի հունվարի 23-ի N 04-Ն որոշումների, հաշվի առնելով Հայաստանի Հանրապետության Կոտայքի մարզպետի 2024 թվականի նոյեմբերի 20-ի N 01/03.1/08050-2024 գրությունը (մուտք՝ 2024 թվականի նոյեմբերի 20-ի N Պ-2581), Սուրեն Հակոբյանի դիմումը (մուտք՝ 2021 թվականի հունվարի 25-ի N Ք-38) և 2021 թվականի դեկտեմբերի 30-ի N 1022 ինքնակամ կառույցի գնման նախապատվության առաջարկը. 
1. Հայաստանի Հանրապետության սեփականություն հանդիսացող (հիմք` 2021 թվականի դեկտեմբերի 29-ի N 29122021-07-0176 վկայական) Աբովյան համայնքի Բալահովիտ գյուղի Գուրգեն Արշակյան թաղամասի 1-ին փողոցի 1-ին փակուղու թիվ 6 հասցեում գտնվող բնակելի տունը՝ 294.88 քառակուսի մետր արտաքին մակերեսով, 234.54 քառակուսի մետր ներքին մակերեսով և դրա պահպանման ու սպասարկման համար առանձնացված 166.1 քառակուսի մետր մակերեսով բնակելի կառուցապատման հողամասը գնման նախապատվության իրավունքով ուղղակի վաճառքով օտարել կառույցն իրականացրած Սուրեն Սամվելի Հակոբյանին:
2. Ընդունել ի գիտություն, որ`
1) շինության պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը.
2) շինությունը, համաձայն համայնքի տարածական պլանավորման փաստաթղթերի, կառուցված չէ Հողային օրենսգրքի 60-րդ հոդվածով սահմանված հողամասերի վրա, ինչպես նաև ինժեներատրանսպորտային օբյեկտների օտարման կամ անվտանգության գոտիներում.
3) շինությունը կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք:
3. Ուղղակի վաճառքի գները սահմանված են հետևյալ հաշվարկով.
1) բնակելի տան 1 քառակուսի մետրի համար` 6 300 (վեց հազար երեք հարյուր) դրամ (տարածագնահատման 8-րդ գոտի, կիրառված գործակիցը` 0.21).
2) առանձնացված հողամասի 1 քառակուսի մետրի կադաստրային արժեքը` 2940 (երկու հազար ինը հարյուր քառասուն) դրամ:
4. Սուրեն Հակոբյանը պարտավոր է վճարել.
1) Աբովյանի համայնքապետարանի 900105206214 հաշվեհամարին՝ 1 857 744 (մեկ միլիոն ութ հարյուր հիսունյոթ հազար յոթ հարյուր քառասունչորս) դրամ` բնակելի տան գինը.
2) կենտրոնական գանձապետարանի 900005290474 հաշվեհամարին` 488 334 (չորս հարյուր ութսունութ հազար երեք հարյուր երեսունչորս) դրամ` հողամասի գինը.
3) Աբովյանի համայնքապետարանի 900105201652 հաշվեհամարին` 65 000 (վաթսունհինգ հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար, 10 000 (տասը հազար) դրամ` հասցեի տրամադրման ծառայության վճար:
5. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Սուրեն Հակոբյանի կողմից:
6. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
7. Սույն որոշումն ուժի մեջ է մտնում Սուրեն Հակոբյանին որոշման ընդունման մասին իրազեկելու օրվան հաջորդող օրվանից: