Համաձայն «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 19-րդ կետի, Աբովյան  համայնքի ավագանին ո ր ո շ ու մ է`
    1. Սահմանել Աբովյան համայնքում հասցեների տրամադրման ծառայության վճար՝ 5.0 հազար դրամ:
   2. Սահմանել Աբովյան  համայնքում ինժեներական ենթակառուցվածքների մոնտաժման կամ ապամոնտաժման աշխատանքների համաձայնության տրամադրման հետ կապված ծառայության վճարների դրույքաչափերը` համաձայն հավելված 1-ի:
    3. Սահմանել Աբովյան  համայնքի սեփականություն հանդիսացող անշարժ գույքի օտարման և օգտագործման տրամադրման փաստաթղթերի կազմման համար ծառայության վճար` համաձայն հավելված 2-ի:
    4. Սահմանել Աբովյան համայնքի վարչական տարածքում գտնվող անշարժ գույքի գործառական նշանակության փոփոխության ծառայության վճար` համաձայն հավելված 3-ի:
    5. Սահմանել Աբովյանի համայնքապետարանի  աշխատակազմի կողմից փաստաթղթերի պատճեններ և կրկնօրինակներ տրամադրելու համար ծառայության վճար` 2.0 հազար դրամ:
   6. Սահմանել Աբովյան համայնքի վարչական տարածքում փողոցային լուսավորության հենասյուների օգտագործման տրամադրման ծառայության վճար ամսական 500 դրամ` յուրաքանչյուր հենասյան համար:
   7. Սահմանել միջմարզային, ներմարզային և ներհամայնքային ուղևորափոխադրումներ իրականացնող երթուղային ավտոբուսների և միկրոավտոբուսների Աբովյան համայնքի ավտոկանգառներից օգտվելու համար ծառայության վճար ամսական 1.5 հազար դրամ` յուրաքանչյուր ավտոմեքենայի համար:
    8. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: