Համաձայն Հողային օրենսգրքի 66-րդ հոդվածի 1-ին մասի 7-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայն­քի ավագանու 2023 թվականի դեկտեմբերի 22-ի N 198-Ն և N 199-Ն որոշումների, հաշվի առնելով «Հայաստանի էլեկտրական ցանցեր» փակ բաժնետիրական ընկերության լիազորած անձ Սերգեյ Կակոսյանի դիմումը (մուտք՝ 2023 թվականի դեկտեմբերի 26-ի N Տ-2157), Աբովյան համայնքի ավագանին  ո ր ո շ ու մ  է` 
1. Համայնքի սեփականություն հանդիսացող (հիմք՝ 2024 թվականի մարտի 06-ի N 06032024-07-0018 վկայական) Աբովյան քաղաքի Զորավար Անդրանիկի փողոցի 1/4 հասցեում գտնվող 07-002-0117-0106 կադաստրային ծածկագրով 96.0 քառակուսի մետր մակերեսով բնակավայրերի նպատակային նշանակության հասարակական կառուցապատման հողամասը կադաստրային արժեքով, ուղղակի վաճառքով օտարել «Հայաստանի էլեկտրական ցանցեր» փակ բաժնետիրական ընկերությանը։
2. «Հայաստանի էլեկտրական ցանցեր» փակ բաժնետիրական ընկերությունը պարտավոր է՝
1) Աբովյանի համայնքապետարանի 900105201363 հաշվեհամարին վճարել 426 413 (չորս հարյուր քսանվեց հազար չորս հարյուր տասներեք) դրամ՝ հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3) Սույն որոշման 1-ին կետում նշված հողամասի նպատակային նշանակությունը համապատասխանեցնել էներգետիկայի օբյեկտների համար նախատեսված հողերի նշանակության։
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են «Հայաստանի էլեկտրական ցանցեր» փակ բաժնետիրական ընկերության կողմից։
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։