Համաձայն  «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ բնակելի տան մասը կառուցված չէ ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրա պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք, հիմք ընդունելով Հայաստանի Հանրապետության վարչական դատարանի 2024 թվականի ապրիլի 29-ի թիվ ՎԴ/0782/05/23 վճռի, Հասմիկ Մարտիրոսյանի դիմումը (մուտք՝ 2024 թվականի հոկտեմբերի 08-ի N Տ-1993).
1. Նունե Ռադիկի Կարապետյանին և Գևորգ Ավետիքի Կարապետյանին ընդհանուր համատեղ սեփականության իրավունքով պատկանող (հիմք՝ 2019 թվականի հունիսի 21-ի N 21062019-07-0009 վկայական) Աբովյան համայնքի Առինջ գյուղի 27-րդ փողոցի թիվ 45 հասցեում գտնվող 761.8 քառակուսի մետր մակերեսով բնակելի կառուցապատման հողամասում ինքնակամ կառուցված 27.09 քառակուսի մետր արտաքին, 19.20 քառակուսի մետր ներքին մակերեսով բնակելի տան մասը  համարել օրինական:
2. Սույն որոշման 1-ին կետում նշված անձինք պարտավոր են ինքնակամ կառուցված բնակելի տան մասի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 73 821 (յոթանասուներեք հազար ութ հարյուր քսանմեկ) դրամ  հակառակ դեպքում սույն որոշումը կհամարվի ուժը կորցրած:
3. Սույն որոշումն ուժի մեջ է մտնում  որոշման ընդունման մասին իրազեկելու օրվան հաջորդող օրվանից: