Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշման 3-րդ կետի և որոշմամբ հաստատված կարգի 9-րդ, 10-րդ, 11-րդ, 14-րդ, 15-րդ և 18-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ սննդի կետն ու խորդանոցը կառուցված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Նազիկ Բարսեղյանի դիմումը (մուտք՝ 2024 թվականի մարտի 11-ի N Ք-1779).
1. Նազիկ Սուրենի Բարսեղյանին սեփականության իրավունքով պատկանող (հիմք՝ 2014 թվականի հուլիսի 22-ի N 22072014-07-0018 վկայական) Աբովյան համայնքի Առինջ գյուղի Բ թաղամասի 5-րդ փողոցի թիվ 20 հասցեում գտնվող 239.0 քառակուսի մետր մակերեսով հողամասում ինքնակամ կառուցված 171.17 քառակուսի մետր արտաքին մակերեսով սննդի կետը և 50.97 քառակուսի մետր արտաքին մակերեսով խորդանոցը համարել օրինական (Կադաստրի կոմիտեում հաշվառման ծածկագիր՝ 2023SRLDWJ):
2. Սույն որոշման 1-ին կետում նշված հողամասի գործառնական նշանակությունը համարել փոփոխված որպես հասարակական կառուցապատման հողամաս։
3. Նազիկ Բարսեղյանը պարտավոր է ինքնակամ կառուցված սննդի կետի և խորդանոցի օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին մուծել 1 071 770 (մեկ միլիոն յոթանասունմեկ հազար յոթ հարյուր յոթանասուն) դրամ, հակառակ դեպքում սույն որոշումը կհամարվի ուժը կորցրած:
4. Սույն որոշումն ուժի մեջ է մտնում Նազիկ Բարսեղյանին որոշման ընդունման մասին իրազեկելու օրվան հաջորդող օրվանից: