Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Նորմատիվ իրավական ակտերի մասին 13-րդ հոդվածի 6-րդ մասի, Աբովյան համայնքի ավագանու 2025 թվականի հունվարի 23-ի 04-Ն որոշման, Աբովյան համայնքի ղեկավարի 2024 թվականի հունվարի 18-ի N 24 կարգադրության և հիմք ընդունելով Աբովյանի համայնքապետարանի աշխատակազմի կրթության, մշակույթի, սպորտի և երիտասարդության հարցերի բաժնի պետի  զեկուցագիրը (մուտք՝ 2025 թվականի փետրվարի 07-ի N Ք-672).
1. 2025 թվականի համար Աբովյան համայնքի ենթակայության թվով տասներկու մանկապարտեզի, «Աբովյան քաղաքի Զարեհ Սահակյանցի անվան երաժշտական դպրոց», «Աբովյան քաղաքի  գեղարվեստի դպրոց», «Գեղաշեն գյուղի մշակույթի տուն», «Կամարիս գյուղի մշակույթի տուն» և «Արամուս գյուղի  մարզամշակութային կենտրոն» համայնքային ոչ առևտրային կազմակերպությունների (այսուհետ՝ կազմակերպություններ) ծառայություններից օգտվողների համար կիրառել համայնքի կողմից մատուցված ծառայությունների դիմաց փոխհատուցման գումարի նվազեցման արտոնություններ՝ համաձայն հավելվածի։ 
2. Կազմակերպությունների տնօրեններին՝
1) ապահովել կիրառված արտոնությունների կատարումը.
2) արտոնություններից օգտվողների կարգավիճակի փոփոխման դեպքում եռօրյա ժամկետում տեղեկատվություն ներկայացնել Աբովյանի համայնքապետարան։
3. Սույն որոշումն ուժի մեջ է մտնում ընդունման պահից և տարածվում է 2025 թվականի հունվարի 03-ից ծագած իրավահարաբերությունների վրա։