Համաձայն Հողային օրենսգրքի 67-70-րդ հոդվածների, «Տեղական  ինքնակառավարման  մասին» օրենքի 35-րդ  հոդվածի 1-ին մասի 16-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի  22-28-րդ կետերի, Աբովյան համայնքի ավագանու 2024 թվականի  դեկտեմբերի 24-ի N 203-Ն, N 228-Ա և 2025 թվականի հունվարի 23-ի N 04-Ն որոշումների, հիմք ընդունելով հողամասն աճուրդով վաճառելու մասին 2025 թվականի հուլիսի 07-ի N 26 արձանագրությունը.
1. Աբովյան համայնքի սեփականություն հանդիսացող (հիմք` 2024 թվականի նոյեմբերի 14-ի N 14112024-07-0034 վկայական) Աբովյան համայնքի Գեղաշեն գյուղի 1-ին թաղամասի 2-րդ փողոցի թիվ 14 հասցեում գտնվող 955.9 քառակուսի մետր մակերեսով հողամասն օտարել Արտակ Դավիթի Ղազարյանին։
2. Ընդունել ի գիտություն, որ սույն որոշման 1-ին կետում նշված հողամասը հանդիսանում է բնակավայրերի նշանակության բնակելի կառուցապատման  հողամաս, գտնվում է տարածագնահատման 14-րդ գոտում, հողամասի 1 քառակուսի մետրի կադաստրային արժեքը 1 221 (հազար երկու հարյուր քսանմեկ) դրամ է, չի հանդիսանում Հողային օրենսգրքի 60-րդ հոդվածով սահմանված հողամաս:
3. Արտակ Դավիթի Ղազարյանը պարտավոր է.
1) համայնքապետարանի 900105201363 հաշվեհամարին վճարել 1 228 500  (մեկ միլիոն երկու հարյուր քսանութ հազար հինգ հարյուր) դրամ՝ հողամասի գինը.
2) համայնքապետարանի 900105201652 հաշվեհամարին վճարել ծառայությունների վճարներ՝ 65 000 (վաթսունհինգ հազար) դրամ` աճուրդով վաճառվող գույքի իրավունքի տրամադրման համար, 10 000 (տասը հազար) դրամ` հասցեի տրամադրման համար:
4. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Արտակ Դավիթի Ղազարյանի կողմից:
5. Սույն որոշումն ուժի մեջ է մտնում Արտակ Դավիթի Ղազարյանին որոշման ընդունման մասին իրազեկելու օրվան  հաջորդող օրվանից: