Համաձայն «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Աբովյան համայն­քի ավա­գա­­­նու 2017 թվականի մարտի 27-ի N 36-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության կողմից տրված գնահատման հաշվետվությունը, որով անշարժ գույքը գնահատվել է 134 000 (հարյուր երեսունչորս հազար) դրամ, նկատի ունենալով այն հանգամանքը, որ Գոհար Հարությունյանը 1999 թվականից բնակվում է Ուսանողական թաղամասի 4/1/1 շենքի 510 սենյակում, հիմք ընդունելով Գոհար Հարությունյանի դիմումը (մուտք՝ 2017 թվականի հունիսի 13-ի N Ք-973), Աբովյան համայնքի ավագանին  ո ր ո շ ու մ  է`
      1. Համայնքի սեփականություն հանդիսացող (հիմք` 2013 թվականի հուլիսի 4-ի N 04072013-07-0075 վկայական) Աբովյան քաղաքի Ուսանողական թաղամասի 4/1/1 շենքի 13.4 քառակուսի մետր ընդհանուր մակերեսով 510 սենյակն ուղղակի վաճառքով` 134 000 (հարյուր երեսունչորս հազար) դրամով, օտարել Գոհար Հարությունյանին:
      2.  Գոհար Հարությունյանը պարտավոր է վճարել.
    1) համայնքապետարանի 900105201777 հաշվեհամարին 134 000 (հարյուր երեսունչորս հազար) դրամ` բնակարանի գինը.
    2) համայնքապետարանի 900105201652 հաշվեհամարին 73 000 (յոթանասուներեք հազար) դրամ` համայնքի սեփականություն հանդիսացող անշարժ գույքի օտարման փաստաթղթերի կազմման համար ծառայության վճար: 
      3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Գոհար Հարությունյանի կողմից: 
      4. Սույն որոշումն ուժի մեջ է մտնում իրազեկելուն հաջորդող օրվանից: