Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 44-րդ կետի «ը» ենթակետի և հիմք ընդունելով  Հայաստանի Հանրապետության տարածքային կառավարման և ենթակառուցվածքների նախարարության 2021 թվականի փետրվարի 19-ի N Լ-637 լեռնահատկացման ակտը և օգտակար հանածոների արդյունահանման և /կամ/ ընդերքօգտագործման թափոնների վերամշակման N ՇԱԹ-29/637 թույլտվությունը, հաշվի առնելով «ԷՅ ԷՄ ԹԻ» սահմանափակ պատասխանատվությամբ ընկերության տնօրեն Հայկ Մուրադյանի դիմումը (մուտք՝ 2022 թվականի հունիսի 22-ի N Տ-742), Աբովյան համայնքի ավագանին ո ր ո շ ու մ  է՝
1. Թույլատրել համայնքի ղեկավարին առանց մրցույթի՝ վարձակալությամբ «ԷՅ ԷՄ ԹԻ» սահմանափակ պատասխանատվությամբ ընկերությանը ընդերքօգտագործման նպատակով տրամադրել Աբովյան համայնքի սեփականություն հանդիսացող (հիմք՝ 2022 թվականի օգոստոսի 1-ի N 01082022-07-0146 վկայական) Արամուս գյուղի Տիգրանաձորի խճուղու 3-րդ նրբանցքի 128/1 հասցեում գտնվող 07-013-0157-0128 կադաստրային ծածկագրով 2,17654 հեկտար հողամասից 1,41180 հեկտար հողամասը:
2. Հողամասի վարձակալության ժամկետ սահմանել 3 (երեք) տարի 4 (չորս) ամիս՝ տարեկան 611 486 (վեց հարյուր տասնմեկ հազար չորս հարյուր ութսունվեց) դրամ վարձավճարով:
3. Սույն որոշումն ուժի մեջ է մտնում  ընդունմանը հաջորդող օրվանից: