Համաձայն «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 28-րդ կետի, «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ մասի, «Իրավական ակտերի մասին» Հայաստանի Հանրապետության օրենքի 72-րդ հոդվածի, հաշվի առնելով Աբովյան համայնքի ավագանու 2006 թվականի հունվարի 27-ի N 4-Ա որոշումը, ինչպես նաև Աբովյան համայնքի ղեկավարի 2011 թվականի մարտի 31-ի N 409 որոշումը, Աբովյան համայնքի ավագանին ո ր ո շ ու մ է`
     1. «Աբովյանի N 3 մանկապարտեզ» համայնքային ոչ առևտրային կազմակերպությունը անվանափոխել «Աբովյանի N 3 միջհամայնքային մանկապարտեզ» համայնքային ոչ առևտրային կազմակերպություն /այսուհետ` կազմակերպություն/:
     2. Կազմակերպության կանոնադրությունում կատարել սույն որոշման 1-ին կետից բխող համապատասխան փոփոխությունները և հաստատել կազմակերպության կանոնադրությունը նոր խմբագրությամբ` համաձայն հավելվածի:
     3. Հանձնարարել «Աբովյանի N 3 միջհամայնքային մանկապարտեզ» համայնքային ոչ առևտրային կազմակերպության տնօրենին 15-օրյա ժամկետում ապահովել կազմակերպության կանոնադրության փոփոխության պետական գրանցումը Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալությունում:
     4. Ուժը կորցրած ճանաչել Աբովյան համայնքի ավագանու 2006 թվականի հունվարի 27-ի N 4-Ա որոշման 5-րդ կետը։
     5. Սույն որոշումն ուժի մեջ է մտնում ընդունման պահից: