Համաձայն «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» օրենքի 4-րդ հոդվածի 2-րդ մասի 6-րդ կետի, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8-րդ, 8.1-րդ, 9-րդ, 10-րդ, 11-րդ և 13-րդ կետերի, 2020 թվականի հունիսի 4-ի N 1023-Ն որոշման, հաշվի առնելով այն հանգամանքը, որ բնակելի տունը, օժանդակ շինությունը, ծածկը և պարիսպը կառուցված չեն, ինչպես նաև ինքնակամ ձևափոխումները իրականացված չեն ինժեներատրանսպորտային օբյեկտների օտարման կամ անվտանգության գոտիներում, քաղաքաշինական նորմերի և կանոնների էական խախտումներով, դրանց պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, չի առաջացնում հարկադիր սերվիտուտ պահանջելու իրավունք և հիմք ընդունելով Նարինե Գյուրջյանի դիմումը (մուտք՝ 2024 թվականի սեպտեմբերի 04-ի N Ք-6653).
1. Նարինե Գևորգի Գյուրջյանին սեփականության իրավունքով պատկանող (հիմք՝ 2023 թվականի դեկտեմբերի 05-ի N 05122023-07-0044 վկայական) Աբովյան համայնքի Պտղնի գյուղի 2-րդ այգեգործական զանգվածի 22-րդ թաղամասի թիվ 6 հասցեում գտնվող 500.0 քառակուսի մետր մակերեսով բնակելի կառուցապատման հողամասում ինքնակամ կառուցված 130.87 քառակուսի մետր արտաքին և 100.84 քառակուսի մետր ներքին մակերեսով բնակելի տունը, 6.95 քառակուսի մետր արտաքին և 4.54 քառակուսի մետր ներքին մակերեսով օժանդակ շինությունը, 21.54 քառակուսի մետր մակերեսով ծածկը, 2.79 քառակուսի մետր մակերեսով պարիսպը, ինքնակամ բացված 1 դուռը և 2 պատուհանը համարել օրինական (Կադաստրի կոմիտեում հաշվառման ծածկագիր՝ 2023NJZAZV):
2. Նարինե Գյուրջյանը պարտավոր է ինքնակամ կառուցված բնակելի տան, օժանդակ շինության, ծածկի, պարսպի և ինքնակամ իրականացված ձևափոխումների օրինականացման համար սույն որոշման ընդունման օրվանից 60 (վաթսուն) օրվա ընթացքում Աբովյանի համայնքապետարանի 900105201397 հաշվեհամարին վճարել 302 902 (երեք հարյուր երկու հազար ինը հարյուր երկու) դրամ, հակառակ դեպքում սույն որոշումը կհամարվի ուժը կորցրած:
3. Սույն որոշումն ուժի մեջ է մտնում Նարինե Գյուրջյանին որոշման ընդունման մասին իրազեկելու օրվան հաջորդող օրվանից: