Համաձայն «Նորմատիվ իրավական ակտերի մասին»  օրենքի 13-րդ հոդվածի 6-րդ մասի, 33-րդ և 34-րդ հոդվածների, 37-րդ հոդվածի 1-ին մասի, հիմք ընդունելով Հայաստանի Հանրապետության վարչական դատարանի 2024 թվականի փետրվարի 15-ի թիվ ՎԴ/3842/05/23 վճիռը, Հայաստանի Հանրապետության արդարադատության նախարարության իրավաբանական անձանց պետական ռեգիստրի պետական միասնական գրանցամատյանից քաղվածքը և հաշվի առնելով Աբովյանի համայնքապետարանի աշխատակազմի իրավաբանական բաժնի պետի զեկուցագիրը (մուտք՝ 2024 թվականի մայիսի 27-ի N Ք-3807), Աբովյան համայնքի ավագանին ո ր ո շ ու մ է`
1. Հայաստանի Հանրապետության Կոտայքի մարզի Աբովյան համայնքի ավագանու 2023 թվականի դեկտեմբերի 22-ի «Հայաստանի Հանրապետության Կոտայքի մարզի Աբովյանի համայնքային հիմնարկների, համայնքային ենթակայությամբ ոչ առևտրային կազմակերպությունների աշխատողների քանակը, հաստիքացուցակները և պաշտոնային դրույքաչափերը 2024 թվականի համար հաստատելու մասին» N 204-Ա որոշմամբ հաստատված  հավելված 24-ում կատարել հետևյալ փոփոխությունը՝  «ՀՀ Կոտայքի մարզի Արամուսի մարզամշակութային կենտրոն» հիմնարկի» բառերը փոխարինել «Աբովյան համայնքի «Արամուս գյուղի մարզամշակութային կենտրոն» համայնքային ոչ առևտրային կազմակերպության» բառերով։
2. Ուժը կորցրած ճանաչել Հայաստանի Հանրապետության Կոտայքի մարզի Աբովյան համայնքի ավագանու 2023 թվականի փետրվարի 16-ի ««ՀՀ Կոտայքի մարզի Արամուսի մարզամշակույթային կենտրոն» հիմնարկը Աբովյան համայնքի «Արամուս գյուղի մարզամշակութային կենտրոն» համայնքային ոչ առևտրային կազմակերպության վերակազմակերպելու և անվանափոխելու մասին» N 12-Ա որոշման 3-րդ կետը։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2024 թվականի մայիսի 8-ից ծագած իրավահարաբերությունների վրա։