Համաձայն «Տեղական ինքնակառավարման մասին» Հայաստանի Հանրապետության օրենքի 14-րդ հոդվածի,  Աբովյան hամայնքի ավագանին  ո ր ո շ ու մ  է`
      1.  Հաստատել  2018 թվականի հունվարի 10-ի N 01 հերթական նիստի հետևյալ օրակարգը.
      1)  Հայաստանի Հանրապետության Կոտայքի մարզի Աբովյան համայնքի քաղաքաշինական կանոնադրությունը հաստատելու մասին. 
      2)  Հայաստանի Հանրապետության Կոտայքի մարզի Աբովյան համայնքի վարչական տարածքում արտաքին գովազդ տեղադրելու կարգն ու պայմանները սահմանելու մասին.
      3)  Հայաստանի Հանրապետության Կոտայքի մարզի Աբովյան համայնքի վարչական տարածքում հանրային սննդի կազմակերպման և իրականացման կանոնները սահմանելու մասին.
      4)  Աբովյան համայնքում տոնավաճառ (վերնիսաժ) կազմակերպելու կարգը հաստատելու մասին.
      5)  Աբովյան համայնքի ավագանու 2017 թվականի հունվարի 11-ի N 3-Ա որոշման մեջ փոփոխություններ կատարելու մասին.
      6)  Աբովյան համայնքի սեփականություն համարվող հողամասերի վրա ինքնակամ կառուցված շինություններն օտարելու կամ  վարձակալության իրավունքով տրամադրելու մասին.
      7)  Աբովյան համայնքի սեփականություն համարվող անշարժ գույքը վարձակալության իրավունքով տրամադրելու մասին:
      2.  Սույն որոշումն ուժի մեջ է մտնում ընդունման պահից: