Համաձայն «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի 1-ին մասի 19-րդ կետի, Աբովյան  համայնքի ավագանին ո ր ո շ ու մ է`
     1. Սահմանել «Աբովյանի Զարեհ  Սահակյանցի անվան երաժշտական դպրոց» արտադպրոցական կրթադաստիարակչական ուսումնական հաստատություն համայնքային ոչ առևտրային կազմակերպությունում ուսման վճարի չափը յուրաքանչյուր ամսվա համար` համաձայն հավելված 1-ի:
     2. «Աբովյանի գեղարվեստի դպրոց» արտադպրոցական կրթադաս­տիարակչական ուսումնական հաստատություն համայնքային ոչ առևտրային կազմակերպությունում ուսման վճարի չափը յուրաքանչյուր ամսվա համար սահմանել 3 000 դրամ:
     3. Սահմանել «Գագիկ Ծառուկյանի անվան Աբովյանի սպորտի և մշակույթի համալիր կենտրոն»  համայնքային ոչ առևտրային կազմակերպությունում ուսման վճարի չափը յուրաքանչյուր ամսվա համար` համաձայն հավելված 2-ի:
      4. «Աբովյանի N 2 մանկապարտեզ» համայնքային ոչ առևտրային կազմակերպությունում, «Աբովյանի N 3 մանկապարտեզ» համայնքային ոչ առևտրային կազմակերպությունում, «Աբովյանի N 4 մանկապարտեզ»  համայնքային ոչ առևտրային կազմակերպությունում, «Աբովյանի N 5 մանկապարտեզ» համայնքային ոչ առևտրային կազմակերպությունում, «Աբովյանի N 6 մանկապարտեզ» համայնքային ոչ առևտրային կազմակերպությունում, «Աբովյանի N 7 մանկապարտեզ» համայնքային ոչ առևտրային կազմակերպությունում, «Աբովյանի N 9 մանկապարտեզ» համայնքային ոչ առևտրային կազմակերպությունում, «Աբովյանի N 10 մանկապարտեզ» համայնքային ոչ առևտրային կազմակերպությունում, «Աբովյանի N 12 մանկապարտեզ» համայնքային ոչ առևտրային կազմակերպությունում ծնողների կողմից կատարվող վճարի չափը սահմանել յուրաքանչյուր երեխայի համար` ամսական 8 000 դրամ:
     5. Ուսման և ծնողների կողմից կատարվող վճարից 100%-ով ազատել`
    1) Հայաստանի Հանրապետության սահմանների պաշտպանության ժամանակ զոհված կամ հաշմանդամ դարձած զինծառայողների երեխաներին,         
     2) երկկողմանի ծնողազուրկ երեխաներին:   
     6. Ուսման և ծնողների կողմից կատարվող վճարից 50%-ով ազատել`    
      1) միակողմանի ծնողազուրկ (մահացած ծնող ունեցող) երեխաներին,
     2) 1-ին և 2-րդ կարգի հաշմանդամ ծնող ունեցող երեխաներին,       
      3) նույն հաստատություն հաճախող միևնույն ընտանիքի երեք երեխաներին,         
      4) երեք և ավելի անչափահաս երեխա ունեցող ընտանիքի երեխաներին,    
      5) հաշմանդամ երեխաներին։
     7. Իրավունք վերապահել համայնքի ղեկավարին  ուսման և ծնողների կողմից կատարվող վճարների համար կիրառելու վճարի 50-ից 100 տոկոս զեղչ:
     8.  Սույն որոշման 5-7-րդ  կետերով սահմանված զեղչերից չեն օգտվում ոչ աբովյանաբնակ երեխաները։
     9. Ոչ աբովյանաբնակ (ունեն մշտական հաշվառում այլ համայնքներում, բացառությամբ՝ ՀՀ պաշտպանության նախարարության զորամասերում ծառայող զինծառայողների) երեխաների համար ուսման և ծնողների կողմից կատարվող վճարները սահմանել կրկնակի:
     10. «Գագիկ Ծառուկյանի անվան Աբովյանի սպորտի և մշակույթի համալիր կենտրոն» համայնքային ոչ առևտրային կազմակերպության դահլիճը և նախասրահը վարձակալության տրամադրելու համար 1 ժամվա վճարը սահմանել 30 000 դրամ:
   11. «Աբովյանի Զարեհ Սահակյանցի անվան երաժշտական դպրոց» արտադպրոցական կրթադաստիարակչական ուսումնական հաստատություն համայնքային ոչ առևտրային կազմակերպության դահլիճը և նախասրահը վարձակալության տրամադրելու համար 1 ժամվա վճարը սահմանել 20 000 դրամ:        
     12. «Աբովյանի երեխաների աջակցության կենտրոն» համայնքային ոչ առևտրային կազմակերպության դահլիճը և նախասրահը վարձակալության տրամադրելու համար 1 ժամվա վճարը սահմանել 20 000 դրամ:      
    13. Իրավունք վերապահել համայնքի ղեկավարին  դահլիճների և նախասրահների վարձակալության տրամադրման համար կիրառելու վճարի 50-ից 100 տոկոս զեղչ:      
     14. «Աբովյանի քաղաքային տնտեսություն» համայնքային ոչ առևտրային կազմակերպության կողմից համայնքի գերեզմանատների պահպանման և սպասարկման ծառայության վճարը սահմանել 15 000 դրամ:        
   Իրավունք վերապահել համայնքի ղեկավարին կիրառելու գերեզմանատների պահպանման և սպասարկման ծառայության վճարի 50-ից 100 տոկոս զեղչ:
     15. Սահմանել «Աբովյանի քաղաքային տնտեսություն» համայնքային ոչ առևտրային կազմակերպության կողմից Աբովյան համայնքի  բազմահարկ շենքերի վերելակների սպասարկման և տեխնիկական զննման վճարների չափը` համաձայն հավելվածներ  3-ի և 4-ի:      
     16. «Աբովյանի համայնքային կոմունալ տնտեսություն» համայնքային ոչ առևտրային կազմակերպության կողմից ոռոգման ջուր տրամադրելու ծառայության վճարը սահմանել հողամասի 1 քառակուսի մետրի համար սեզոնում 10 դրամ: 
      17. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: