Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, հաշվի առնելով Շողակաթ Շահումյանի դիմումը (մուտք՝ 2018 թվականի դեկտեմբերի 19-ի N Ք-2427), Աբովյան համայնքի ավագանին ո ր ո շ ու մ է.
   1. Համաձայնություն տալ Շողակաթ Շահումյանին սեփականության իրավունքով պատկանող (հիմք` 2018 թվականի մայիսի 31-ի N 31052018-07-0079 վկայական) Աբովյան քաղաքի Ռոսիա փողոցի թիվ 1/4/6 հասցեում գտնվող 69.0 քառակուսի մետր մակերեսով հողամասի փոխանակմանը Աբովյան համայնքի սեփականություն հանդիսացող (հիմք` 2018 թվականի դեկտեմբերի 12-ի N 12122018-07-0089 վկայական) Սահմանադրության հրապարակի թիվ  3  հասցեում  գտնվող  68.9 քառակուսի մետր մակերեսով   հողամասի հետ:
  2. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Շողակաթ Շահումյանի կողմից:
  3. Սույն որոշումն ուժի մեջ է մտնում Շողակաթ Շահումյանին որոշման ընդունման մասին իրազեկելու օրվան հաջորդող օրվանից: