Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի, Հայաստանի Հանրապետության կառավարության 2011 թվականի դեկտեմբերի 29-ի N 1918-Ն որոշմամբ հաստատված կարգի 17-րդ կետի, հաշվի առնելով Արամ Մարգարյանի դիմումը (մուտք՝ 2022 թվականի հոկտեմբերի 10-ի N Ք-5094) և հիմք ընդունելով հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի 2022 թվականի դեկտեմբերի 12-ի N 150 դրական եզրակացությունը, Աբովյան համայնքի ավագանին ո ր ո շ ու մ է.
1. Փոփոխել Արամ Մարգարյանին սեփականության իրավունքով պատկանող (հիմք՝ 2022 թվականի օգոստոսի 29-ի N 29082022-07-0087 վկայական) Աբովյան համայնքի Պտղնի գյուղում  գտնվող 07-054-0321-0025 կադաստրային ծածկագրով 0.1 հեկտար մակերեսով գյուղատնտեսական նշանակության  հողամասի (վարելահող) նպատակային նշանակությունը որպես բնակավայրերի նպատակային նշանակության բնակելի կառուցապատման հողամաս։
2. Արամ Մարգարյանը պարտավոր է 0.1 հեկտար մակերեսով գյուղատնտեսական նշանակության հողամասի նպատակային նշանակության փոփոխության համար Աբովյանի համայնքապետարանի 900105201363 հաշվեհամարին մուծել  հողամասի տվյալ պահին գործող կադաստրային արժեքների տարբերությունը, որը կազմում է 2 887 500 (երկու միլիոն ութ հարյուր ութանասունյոթ հազար հինգ հարյուր) դրամ:
3. Սույն որոշումն ուժի մեջ է մտնում Արամ Մարգարյանին որոշման ընդունման մասին իրազեկելու օրվան հաջորդող օրվանից: