Համաձայն Հայաստանի Հանրապետության հողային օրենսգրքի 76-81-րդ հոդվածների, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 և 2007 թվականի օգոստոսի 09-ի N 1036-Ն որոշումների, Աբովյան համայնքի ավագանու 2016 թվականի դեկտեմբեր 19-ի N 148-Ն որոշման, հիմք ընդունելով համայնքի ղեկավարի առաջարկը, Աբովյան համայնքի ավագանին  որոշում  է`
      1. Հայտարարել վարձակալության  մրցույթ Աբովյան համայնքի սեփականություն հանդիսացող (հիմք՝ 2017  թվականի  հոկտեմբերի 11-ի N 11102017-07-0053 վկայական, կադաստրային ծածկագիր 07-002-0117-0042) Զ. Անդրանիկի փողոցի թիվ 1/9 հասցեում գտնվող  38511.8 քառակուսի մետր մակերեսով բնակավայրերի  նպատակային նշանակության, հասարակական կառուցապատման, այլ հողեր գործառնական նշանակությամբ հողամասի համար: Վարձակալության տարեկան վճարի մեկնարկային գինը սահմանել 269 580 (երկու հարյուր վաթսունինը հազար  հինգ հարյուր ութսուն) դրամ: 
    2. Վարձակալության ժամկետը սահմանել 99 տարի:
    3. Սույն որոշումն ուժի մեջ է մտնում ընդունմանը հաջորդող օրվանից: