|
08.12.19
ԱԲՈՎՅԱՆԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄԻ ՇՆՈՐՀԱՎՈՐԱՆՔԸ ՀԱՄԱՅՆՔԻ ՂԵԿԱՎԱՐԻՆ
|
|
Մեծարգո պարոն Գևորգյան,
Ընդունեք մեր ջերմ շնորհավորանքները և բարեմաղթանքները Ձեր ծննդյան տարեդարձի առթիվ: Աբովյանի համայնքապետարանի ամբողջ անձնակազմը բարձր ենք գնահատում Ձեր մարդկային ազնիվ տեսակը և հպարտ ենք, որ Ձեր թիմում ենք և հնարավորություն ունենք Ձեր հետ միասին ծաղկեցնել մեր սիրելի Աբովյանը։
Ցանկանում ենք Ձեզ քաջառողջություն, երջանկություն, անսպառ ուժ և կորով, արգասաբեր գործունեության շարունակում՝ ի բարօրություն Աբովյանի և աբովյանցու։
|
|
|
07.12.19
ՀԱՐԳԱՆՔԻ ՏՈՒՐՔ՝ ԱՆՄԵՂ ԶՈՀԵՐԻ ՀԻՇԱՏԱԿԻՆ
|
|
Հիշատակի քայլերթը սկսվեց Աբովյանի համայնքապետարանի կենտրոնական հրապարակից։ Քայլերթին մասնակցեցին Աբովյան համայնքի ղեկավար Վահագն Գևորգյանը, ԱԺ պատգամավոր Էդուարդ Բաբայանը, համայնքապետարանի աշխատակազմը, ՀՈԱԿ-ների տնօրեններ, պետական և մասնավոր կառույցի ներկայացուցիչներ, քաղաքացիներ: Քայլերթին մասնակցեցին նաև Աբովյանի ակտիվ երիտասարդները։
Մասնակիցները ծաղիկներ դրեցին Սպիտակի երկրաշարժում անմեղ զոհերին նվիրված հուշարձանի մոտ:
Ավելի քան երեք տասնամյակ առաջ ավերիչ երկրաշարժի արդյունքում Սպիտակում, Գյումրիում և Վանաձորում զոհվեցին 25.000 մարդ, անտուն մնացին հազարավոր բնակիչներ:
|
|
|
06.12.19
ԱԲՈՎՅԱՆՑԻ ՄԱՐԶԻԿԸ ՏԱՊԱԼԵՑ ԱԴՐԲԵՋԱՆՑՈՒՆ
|
|
Նոյեմբերի 20-22-ը Իրանի Իսլամական Հանրապետության Աստարա քաղաքում կայացավ «Սև Ծովի գավաթ»-ի առաջնություն, որտեղ մասնակցում էին Հայատանի Հանրապետության, Իրանի, Աղվանստանի, Հնդկաստանի, Թուրքմենստանի և Ադրբեջանի մարզիկները:
Հայաստանը ներկայացրեցին «Ի.Ս.Կ.Ա. Ազգային Ավանդական Կարատեի Ասոցացիա»-ի սաները՝ զբաղեցնելով բազմակի մրցանակային տեղեր:
Մրցաշարի 12-13 տարեկանների -40 քաշային կարգում աբովյանցի մարզիկ Սուրեն Արմենի Քոսակյանը 4 մենամարտում հաղթեց ադրբեջանցի մարզիկին՝ չտալով նրան ոչ մի միավոր։ Սուրեն Քոսակյանը զբաղեցրեց պատվավոր առաջին տեղը ինչի առթիվ մեծ հպարտությամբ շնորհավորում ենք նրան և նրա մարզիչին մաղթելով նորանոր բարձունքներ։
|
|
|
05.12.19
ԽՈՐՀՐԴԱԿՑԱԿԱՆ ՄԱՐՄԻՆՆԵՐԻ ՆԻՍՏԵՐԻ ՄԱՍԻՆ
|
|
Համաձայն Աբովյան համայնքի ավագանու 2016 թվականի մայիսի 04-ի N 66-Ն որոշմամբ հաստատված կարգի 37-րդ և 38-րդ կետերի, Աբովյանի համայնքապետարանի աշխատակազմի նիստերի դահլիճում 2019 թվականի դեկտեմբերի 9-ին կկայանան. 1) ժամը 14:00-ին՝ hամայնքի հնգամյա զարգացման ծրագրի և տարեկան բյուջեի կառավարման խորհրդակցական մարմնի նիստը. օրակարգում կքննարկվի Աբովյան համայնքի 2020 թվականի բյուջեի նախագծի վերաբերյալ հարցը, 2) ժամը 15:00-ին՝ քաղաքաշինության, հողօգտագործման, տնտեսական ենթակառուցվածքների, կոմունալ տնտեսության, շրջակա միջավայրի պաշտպանության և տրանսպորտի հարցերի խորհրդակցական մարմնի նիստը. օրակարգում կքննարկվի Զորավար Անդրանիկի ...
Մանրամասն |
|
|
03.12.19
ՀԱՄԱՅՆՔԻ ԿՈՄՈՒՆԱԼ ԾԱՌԱՅՈՒԹՅԱՆ ԱՇԽԱՏԱԿԻՑՆԵՐԸ ՆՈՐ ՎԵՐՆԱԶԳԵՍՏՈՎ ԿԱՇԽԱՏԵՆ
|
|
Աբովյան համայնքի կոմունալ ծառայության աշխատակիցները եղանակին ընդառաջ ստացան նոր կոշիկներ, ձմեռային բաճկոններ և կոմբինիզոններ։ Աշխատակիցների ատահագուստը ընդհանուր թվով 90-ն է՝ յուրաքանչյուր տեսակից գնվել է 30 հատ։
Ավելորդ չենք համարում նշել, որ կոմունալ ծառայության աշխատակիցների շնորհիվ է, որ Աբովյան համայնքը հայտնի է իր մաքրությամբ։
|
|
|
02.12.19
ՆՈՅԵՄԲԵՐ ԱՄՍԻ ԱՄՓՈՓՈՒՄ (ՏԵՍԱՆՅՈՒԹ)
|
|
2019 թվականի Նոյեմբեր ամիսը Աբովյանի համայքի համար լի էր աշխատանքային ձեռքբերումներով և նվաճումներով։ Ամփոփելով ամիսը նշենք, որ նոյեմբերի 1-ին Աբովյանի շախմատի դպրոցի աթոռների 2-րդ խմբաքանակը վերանորոգվեց Աբովյանի համայնքապետարանի աջակցություամբ, ընդհանուր թվով աթոռները 100-ն էին։ Հոկտեմբերի 27-ից Նոյեմբերի 5-ը անցկացվեց շախմատի միջազգային մրցաշար նվիրված Աբովյանի հիմնադրման 56-ամյակին։ Երեխաների աջակցության կենտրոնի սաները ճանաչողական այցի էին «Էրեբունի» պատմահնագիտական արգելանոց-թանգարանում և Կարմիր բլուր հնավայր մասնաճյուղում։ Նոյեմբերի 7-ին Աբովյան համայնքի ղեկավարը հյուընկալվել էր Աբովյանի «Նանեի ժպիտ» մանկական զարգացման կենտրոնում։ Փոքրիկները հացին նվիրված ...
Մանրամասն |
|
|
29.11.19
ԱԲՈՎՅԱՆ ՀԱՄԱՅՆՔԸ ԳՈՐԾԱՐԿԵՑ ԱՂԲԻ ԱՄԲՈՂՋԱԿԱՆ ԱՅՐՄԱՆ ՌԵԱԿՏՈՐ
|
|
Նոյեմբերի 29-ին Աբովյան համայնքում գործարկվեց աղբի ամբողջական այրման առաջին ռեակտորի գործարկումը։ Նախաձեռնողը և պատվիրատուն Աբովյան համայնքի ղեկավար Վահագն Գևորգյանն է, ով այս նախագիծն իրականացնում է «Խելացի քաղաք» ծրագրի շրջանակում։ «Ֆ.Կ. Դավթյան ՍՊԸ»-ի ղեկավար Դավիթ Դավթյանը ստեղծել է ռեակտոր, որի միջոցով այրվում է աղբը ստանալով՝ գազ, որը կարող է օգտագործվել թե՛ բնակարանների համար և թե՛ մեքենաների։ Աղբի այրումն ընթանում է առանց հոտի և ծխի, որի արդյունքում ստացվում է նաև շինանյութ։ «Շրջակա միջավայրի մոնիթորինգ և տեղեկատվության կենտրոն» ՊՈԱԿ-ի կողմից անցկացված օդի փորձազննման ցուցանիշները դրական էին, որը գյուտի հեղինակը նույնպես ներկայացրեց ...
Մանրամասն |
|
|
28.11.19
ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ
|
|
Համաձայն Աբովյան համայնքի ավագանու 2016 թվականի մայիսի 04-ի N 65-Ն որոշմամբ հաստատված կարգի, 2019 թվականի դեկտեմբերի 13-ին ժամը 15:00-ին Աբովյանի համայնքապետարանի նիստերի դահլիճում կկայանան հանրային բաց լսումներ՝ Աբովյան համայնքի 2020 թվականի բյուջեի նախագծի քննարկման վերաբերյալ: Հանրային լսումներին կարող են մասնակցել բոլոր շահագրգիռ ֆիզիկական և իրավաբանական անձինք: Հանրային լսումների ընթացքում ֆիզիկական և իրավաբանական անձինք ինտերնետային կայքում հրապարակված բյուջեի նախագծի վերաբերյալ մինչև 2019 թվականի դեկտմբերի 9-ը կարող են ներկայացնել իրենց առաջարկություններն ու դիտողությունները, որոնք կարող են թողնվել ինտերնետային կայքում հատուկ այդ նպատակով ստեղծված տեղում կամ ուղարկել ...
Մանրամասն |
|
| 1 2 3 4 5 6 7 8 9 10 ... |