Ս.թ. հուլիսի 5-15-ին Բուլղարիայի Հանրապետության Սոզոպոլ քաղաքում անցկացվելու է «Մուսաները» արվեստի 18-րդ միջազգային երիտասարդական մրցույթ-փառատոնը:
Փառատոնը բազմաժանր է, այն ներառում է համերգային ծրագրեր՝ երգ, պար, թատերական ներկայացումներ, ցուցադրություններ և այլ միջոցառումներ:
Փառատոնին ամեն տարի ներկայանում են 5-35 տարեկան շուրջ 2000 մասնակիցներ Եվրոպայի ավելի քան 25 երկրներից. նրանց համախմբում է արվեստը, մշակութային փոխգործակցությունը, ինչպես նաև մրցույթները, որոնց արդյունքում մասնակիցները ստանում են կազմակերպիչների և հովանավորների կողմից պատվոգրեր ու մրցանակներ:
Մասնակցել կարող են արվեստի դպրոցները, մշակութային կրթօջախները, մասնավոր խմբակները, ստուդիաները, ինչպես նաև անհատ ստեղծագործողները:
«Մուսաները» արվեստի 18-րդ միջազգային երիտասարդական մրցույթ-փառատոնի հանդիսավոր բացումը տեղի կունենա հուլիսի 5-ին, ժամը 20:00-ին, Սոզոպոլի «Ապոլոնիա» ամառային թատրոնում:
Մասնակցության համար անհրաժեշտ է մինչև մայիսի 30-ը առցանց դիմել:
Մրցույթ փառատոնի մանրամասները, օրակարգը, պաշտոնական էջերի հղումները, ինչպես նաև գրանցման համար անհրաժեշտ հղումները կցվում են: