«Մշակութային վերածնունդ»
ԱՐՀԵՍՏՆԵՐԻ ԵՎ ԱՐՎԵՍՏՆԵՐԻ ՀԱՄԱՀԱՅԿԱԿԱՆ ՓԱՌԱՏՈՆ
Դիլիջան քաղաքում՝ սեպտեմբերի 7-ին
Փառատոնը իրականացնում է հետևյալ խնդիրները՝
Հայաստանի զբոսաշրջային կենտրոններ հանդիսացող քաղաքներում / այս դեպքում՝ Դիլիջանում/, նոր, հետաքրքիր ձեռնարկներով աշխուժացնել զբոսաշրջիկների և քաղաքի բնակչության առօրյան, այն դարձնելով բազմաբովանդակ և հետաքրքիր: Փառատոնը Դիլիջան համայնքի զարգացման ծրագրի բաղկացուցիչ մասն է;Տուրօպերատորների ընդգրկվածությամբ փառատոնը դարձնել տուրիստական պրոդուկտ և տուրփաթեթներում այն ներգրավելով, ընդլայնել այցելությունների աշխարհագրությունը ոչ միայն Դիլիջան , այլ նաև Հայաստանի բոլոր 10 մարզեր և Արցախ, ծանոթացնելով այդ տարածաշրջանների կոլորիտին, մշակութային և տուրիզմի առանձնահատկություններին, /տեսանելի, դիտակտիկ նյութերով ու մեկնաբանությամբ/:
Օտարերկրյա հյուրերին ծանոթացնել մեր հազարամյա մշակութային ժառանգությանը, ազգային խոհանոցի առանձնահատկություններին: Շոշափելի և կոնկրետ փաստերով ապացուցել դրանց զուտ հայկական ծագումնաբանությունը:
Արդեն ավանդական դարձած այս փառատոնը նպաստում է բոլոր շահագրգիռ կողմերի փոխշահավետ շփումներին և փորձի փոխանակմանը:
Հեռուստատեսության, տպագիր մամուլի և այլ լրատվամիջոցների օգնությամբ լայն լսարանին է ներկայացվում Հայաստանի հեռավոր, համեմատաբար սակավ ներկայացվող, համայնքներում գործող ու ստեղծագործող անհատներին, հայ ազգային մշակույթի մոռացության տրված ավանդույթներն ու պատմությունը:
«Մշակութային վերածնունդ» փառատոնը առանձնակի է իր ընդգրկվածությամբ՝ ներկայացված են ՀՀ մարզերը, Արցախը և սփյուռքը։ Այս տարի փառատոնին կմասնակցեն նաև Հայաստանում հավատարմագրված դեսպանություններ, որոնք կներկայացնեն իրենց երկրների ֆորկլորը։
Փառատոնին մասնակից են դառնումգորգագործ վարպետներ, ցուցադրվում են տարածաշրջանի կերպարվեստի, գորգարվեստի բացառիկ, նույնիսկ թանգարանային նմուշներ, ձեռարվեստի այլ ստեղծագործություններ՝ կավագործություն, խեցեգործություն, դարբնագործություն, փայտագործություն, ազգային խոհանոց և այլն:
Փառատոնը բացառիկ է ոչ միայն ձեռագործ աշխատանքների պատկերասրահով, վարպետության դասերով, բազմաբովանդակ տաղավարներով, այլ նաև ազգային նվագարանների, երգարվեստի, պարարվեստի, անհատ կատարողների և ճանաչված համույթների մասնակցությամբ ուղեկցվող համերգային ծրագրերով։
Մշակութային և զբոսաշրջության զարգացմանը հեռու ու մոտ համայնքներում առավել համաչափ զարգացման ռիթմ հաղորդելու, փորձի փոխանակման, գործնական կապեր հաստատելու ուղղությամբ այս փառատոնը դարձավ բացառիկ և չափազանց արդյունավետ:
Փառատոնի կազմակերպիչ՝ «Մեդիա Օնիքս» Մշակույթի և տուրիզմի պրոպագանդման ընկերություն տնօրեն Մարիա Մինասյան
Հեռախոս՝ 091 090 097
Փառատոնին մասնակցելու համար անհրաժեշտ է մինչև ս/թ օգոստոսի 27-ը դիմել Աբովյանի համայնքապետարանի կրթության, մշակույթի, առողջապահության, սպորտի և էկոլոգիայի բաժին։
հեռ.՝060 536 405
էլ. հասցե՝ educult.abovyan@gmail.com