Աբովյանի համայնքապետարանի պաշտոնական կայք

19.09.25 ԱԲՈՎՅԱՆ ՀԱՄԱՅՆՔԻ ԱՐԱՄՈՒՍ ԳՅՈՒՂԻ ՄԱՐԶԱՄՇԱԿՈՒԹԱՅԻՆ ԿԵՆՏՐՈՆՈՒՄ ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ՇՐՋԱՆԱԿՈՒՄ ԿԱՏԱՐՎՈՒՄ ԵՆ ՎԵՐԱՆՈՐՈԳՄԱՆ ԱՇԽԱՏԱՆՔՆԵՐ

Աբովյան համայնքում 2025 թ. մասնակցային բյուջետավորման գործընթացը ծրագրային առաջարկության իրագործման փուլում է:

Գործընթացի քվեարկության փուլում բնակիչների մեծամասնության հավանությանն արժանացած «Արամուս գյուղի մարզամշակութային կենտրոնի վերանորոգում» առաջարկությունը իրականացվում է պետություն-համայնք համագործակցությամբ. առաջարկի նպատակն է վերանորոգել կենտրոնը և խթանել բնակավայրում մշակույթի և սպորտի զարգացումը:

Ծրագրի շրջանակում Արամուս գյուղի մարզամշակութային կենտրոնում այս պահին ընթանում են շինարարական աշխատանքները:

17.09.25 ԱԲՈՎՅԱՆ ՀԱՄԱՅՆՔԻ ԲՆԱԿԻՉՆԵՐՆ ԱՅՍՈՒՀԵՏ ԿԱՐՈՂ ԵՆ ԴԻՄԵԼ ՀԱՄԱՅՆՔԱՊԵՏԱՐԱՆ ՆՈՐ ՍՏԵՂԾՎԱԾ «ՏԵՍԵԼ ԵՄ» ՀԱՐԹԱԿԻ ԵՎ ՆՈՒՅՆԱՆՈՒՆ ԲՋՋԱՅԻՆ ՀԱՎԵԼՎԱԾԻ ԳՈՐԾԱՐԿՄԱՄԲ

ՀՀ տարածքային կառավարման և ենթակառուցվածքների նախարարության նախաձեռնությամբ ստեղծվել է «Տեսել եմ» նոր հարթակը (https://teselem.am/ ) և նույնանուն բջջային հավելվածը, որն հասանելի է AppStore -ում և GooglePlay -ում։Այս հարմարավետ գործիքի շնորհիվ յուրաքանչյուր քաղաքացի կարող է ընդամենը մի քանի վայրկյանում համայնքապետարանին փոխանցել նկատած խնդիրները՝ կցելով լուսանկար, տեսանյութ, կարճ նկարագրություն և նշելով ճշգրիտ տեղադիրքը։Համայնքի աշխատակազմը ստանում է ուղարկված տվյալները և ձեռնարկում անհրաժեշտ քայլեր՝ խնդրին լուծում տալու համար։ Լուծման ընթացքի և արդյունքի մասին քաղաքացին անմիջապես տեղեկություն է ստանում։«Տեսել եմ» հարթակի նպատակը պարզ է․● ընդլայնել բնակչության մասնակցությունը ... Մանրամասն

16.09.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԸՆԴՈՒՆԵԼ Է ԿԻՈԿՈՒՇԻՆ ԿԱՐԱՏԵԻ ՄԱՐԶԻՉ ՆԱՐԵԿ ԳԱԲՐԻԵԼՅԱՆԻՆ ԵՎ ՆՐԱ ՍԱՆԵՐԻՆ, ՈՐՈՆՔ ՄԻՋԱԶԳԱՅԻՆ ՀԱՐԹԱԿՆԵՐՈՒՄ ԳՐԱՆՑԵԼ ԵՆ ՆՇԱՆԱԿԱԼԻՑ ՀԱՂԹԱՆԱԿՆԵՐ

Աբովյան համայնքի ղեկավար Էդուարդ Բաբայանը ընդունել է քաղաքում գործող կիոկուշին կարատեի ակումբի մարզիչ Նարեկ Գաբրիելյանին և նրա սաներին, որոնք ընթացիկ տարում գրանցել են նշանակալից հաղթանակներ միջազգային հարթակներում:Հանդիպմանը մարզիչը ներկայացրել է մանրամասներ մայիսին Հունգարիայում անցկացված Եվրոպայի առաջնությանը և Բուլղարիայում կայացած աշխարհի գավաթի KWU վարկածով խաղարկությանը իր սաների մասնակցության և ձեռքբերումների մասին:Ալեն Հովհաննիսյանը նվաճել է Եվրոպայի առաջնության կրկնակի չեմպիոնի տիտղոսը և դարձել բրոնզե մեդալակիր աշխարհի գավաթի խաղարկության մրցաշարում.Քաջիկ Ոսկանյանը երկու առաջնություններում նվաճել է փոխչեմպիոնի տիտղոսը:Համայնքի ղեկավար Էդուարդ Բաբայանը շնորհավորել է ներկաներին. նշել, ... Մանրամասն

15.09.25 ԻՐԱԶԵԿՈՒՄ

Կառուցապատող քաղաքացիներ Սոս Արզումանյանի, Գառնիկ Ավետիսյանի և Համլետ Կարապետյանի կողմից նախատեսվում է կառուցել 1(մեկ) ստորգետնյա ավտոկայանատեղիով և 16(տասնվեց) վերգետնյա հարկերով բազմաբնակարան բնակելի շենք ՀՀ Կոտայքի մարզ, Աբովյան համայնք, ք․ Աբովյան, Սևանի փողոց, 4/10 հասցեում գտնվող 0;2863 հա մակերեսով հողամասի վրա (կադաստրային ծածկագիր՝ 07-002-0049-0836), բնակելի կառուցապատման հողամասում։
Բողոքների և առաջարկությունների, ինչպես նաև նախագծերին ծանոթանալու և քննարկելու համար 15 օրվա ընթացքում կարող եք դիմել Աբովյանի համայնքապետարան` ք. Աբովյան, Բարեկամության հրապարակ 1, հեռախոս 060-53-64-13 կամ այցելել abovyan-kotayk.am կայք:

Նախագիծը տես՝այստեղ

11.09.25 ՀԱՆՐԱՅԻՆ ԼՍՈՒՄՆԵՐԻ ՀՐԱՎԵՐ

Համաձայն «Շրջակա միջավայրի վրա ազդեցության գնահատման և փորձաքննության մասին» ՀՕ-150-Ն օրենքի և Կառավարության 2023թ. դեկտեմբերի 28-ի N 2343-Ն որոշման հավելվածի՝ 2025թ. հոկտեմբերի 1-ին՝ ժամը 12:00-ին Կոտայքի մարզի Աբովյան համայնքի Առինջ բնակավայրի վարչական ղեկավարի նստավայրում տեղի կունենա «Էկո Ագրո» ՍՊԸ-ի կողմից ներկայացված՝ Կոտայքի մարզի Աբովյան համայնքի Առինջ բնակավայրի Մ. Մկրտչյան թաղ. 1-ին փողոց 32/2 հասցեում նախատեսվող բազմաբնակարան բնակելի շենքերի, բացօթյա սպորտային համալիրի և շատրվանի կառուցման շրջակա միջավայրի վրա ազդեցության գնահատման հաշվետվության վերաբերյալ 2-րդ հանրային լսումը: Փաստաթղթերին կարելի է ծանոթանալ շրջակա միջավայրի նախարարության ... Մանրամասն

10.09.25 ԱԲՈՎՅԱՆ ՔԱՂԱՔԻ ՍԱՀՄԱՆԱԴՐՈՒԹՅԱՆ ՀՐԱՊԱՐԱԿԻ 14 ԵՎ 15 ՀԱՍՑԵՆԵՐԻ ՀՈՂԱՄԱՍԵՐԸ ՀԱՄԱՅՆՔՈՒՄ ԲՆԱԿՎՈՂ ՍԻՄՈՆՅԱՆ ԸՆՏԱՆԻՔԸ ՎԵՐԱԴԱՐՁՐԵԼ Է ՀԱՄԱՅՆՔԻՆ

Աբովյան համայնքի հարգելի' բնակիչներ.Տեղեկացնում ենք, որ համայնքում բնակվող Սիմոնյանների ընտանիքը անշարժ գույքի նկատմամբ իրավունքներով պետական գրանցմամբ իրեն պատկանող հողամասերից հրաժարվել է և վերադարձրել համայնքին։Կարևորելով բնակիչների համընդհանուր շահը` Սիմոնյանները համայնքին են վերադարձրել Աբովյան քաղաքի Սահմանադրության հրապարակի 14 և 15 հասցեների հողամասերը։Շնորհակալություն ենք հայտնում բարեխիղճ ընտանիքին և հորդորում ենք բոլորին հետևել նրանց օրինակին` համայնքին վերադարձնելով կանաչ գոտիներն ու հանրային տարածքները։

05.09.25 ԱԲՈՎՅԱՆ ՀԱՄԱՅՆՔԻ ԱՌԻՆՋ ԲՆԱԿԱՎԱՅՐՈՒՄ ՄԵԿՆԱՐԿԵԼ ԵՆ ՆՈՐ ԺԱՄԱՆՑԱՅԻՆ ԱՅԳՈՒ ԵՎ ԽԱՂԱՀՐԱՊԱՐԱԿԻ ԿԱՌՈՒՑՄԱՆ ՇԻՆԱՐԱՐԱԿԱՆ ԱՇԽԱՏԱՆՔՆԵՐԸ

Աբովյան համայնքի ղեկավար Էդուարդ Բաբայանի հանձնարարությամբ Առինջ բնակավայրում մեկնարկել են ժամանցային այգու կառուցման շինարարական աշխատանքները։

Այգին զբաղեցնելու է շուրջ 2800 քառ. մ մակերեսով տարածք, որտեղ գործելու են մարզահրապարակ, խաղահրապարակ, խաղադաշտ` նախատեսված ֆուտբոլի և բասկետբոլի համար. տարածքում կատարվելու է բարեկարգում, կանաչապատում, տեղադրվելու են նստարաններ, անցկացվելու է լուսավորություն։

Աշխատանքներն իրականացվում են համայնքային բյուջեով, նախատեսվում է կառուցել անվտանգ ու անհրաժեշտ պայմաններով հագեցած այգի` տարբեր տարիքի բնակիչների հանգիստն ու ժամանցը կազմակերպելու համար։

04.09.25 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՍԵՊՏԵՄԲԵՐԻ 4-Ի՝ ՓՐԿԱՐԱՐԻ ՕՐՎԱ ԿԱՊԱԿՑՈՒԹՅԱՄԲ

Հարգարժա՛ն փրկարարներ, վետերաններ, ՆԳՆ փրկարարար ծառայության հարգելի՛ աշխատակիցներ.Ջերմորեն շնորհավորում եմ բոլորիդ մասնագիտական տոնի՝ Փրկարարի օրվա կապակցությամբ:Դուք ստանձնել և նվիրումով իրականացնում եք մի աշխատանք, որը պահանջում է մասնագիտական և ֆիզիկական բարձր պատրաստվածություն, մշտական զգոնություն և կամային որակներ՝ ամենատարբեր բարդության հանգամանքներում արագ կողմնորոշվելու և արդյունավետ գործելու համար:Արտակարգ և պատերազմական իրավիճակներում, աղետների ժամանակ մեր փրկարարները բազմիցս գործել են անհնարին թվացող սխրանքներ՝ հաճախ վտանգելով սեփական կյանքն ու առողջությունը: Անչափ կարևորում և բարձր եմ գնահատում ձեր հանրօգուտ ու սրտացավ աշխատանքը:Առանձնահատուկ շնորհավորում և շնորհակալություն եմ հայտնում ... Մանրամասն

02.09.25 ԱԲՈՎՅԱՆ ՔԱՂԱՔԻ ԵՐԵԽԱՆԵՐԻ ԱՋԱԿՑՈՒԹՅԱՆ ԿԵՆՏՐՈՆՈՒՄ «ՔԱՂԱՔԱՊԵՏԵՐԻ ԴԱՇՆԱԳԻՐ՝ ԱՐԵՎԵԼՔ» ԾՐԱԳՐԻ ՀԱՅԱՍՏԱՆԻ ԱԶԳԱՅԻՆ ՓՈՐՁԱԳԵՏԸ ՊԱՐԳԵՎԱՏՐԵՑ ԿԵՆՏՐՈՆԻ ՎԵՑ ՍԱՆԵՐԻՆ «ԵՄ ԿԱՅՈՒՆ ԷՆԵՐԳԻԱՅԻ ՇԱԲԱԹ-2025» ԾՐԱԳՐԻ ՇՐՋԱՆԱԿՈՒՄ ԱԿՏԻՎ ՄԱՍՆԱԿՑՈՒԹՅԱՆ ՀԱՄԱՐ

Աբովյան քաղաքի երեխաների աջակցության կենտրոնում համայնքների միության, «Քաղաքապետերի դաշնագիր` Արևելք» ծրագրի ղեկավարության նախաձեռնությամբ օրերս կազմակերպվել էր հանդիպում, որին ներկա էին համայնքի ղեկավարի տեղակալ Նիկոլայ Աբրահամյանը և համայնքի ղեկավարի օգնական Դիաննա Երեմյանը։Հյուրերը այցելել էին Աբովյան «ԵՄ կայուն էներգիայի շաբաթ-2025» ծրագրի շրջանակներում աջակցության կենտրոնի մասնակցությունը խրախուսելու և կազմակերպված միջոցառումներում առավել ակտիվորեն ներգրավված սաներին պարգևատրելու նպատակով։Նախքան պարգևատրման արարողությունը կենտրոնի տնօրեն Ալվարդ Սարգսյանը ներկայացրեց հունիսի 10-ից 12-ին ԵՄ կայուն էներգիայի շրջանակում անցկացված տարաբնույթ, բովանդակային միջոցառումները, ... Մանրամասն

1 2 3 4 5 6 7 8 9 10 ...