Աբովյանի համայնքապետարանի պաշտոնական կայք

06.09.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ՓՐԿԱՐԱՐԻ ՄԱՍՆԱԳԻՏԱԿԱՆ ՕՐՎԱ ԱՌԻԹՈՎ ՇՆՈՐՀԱՎՈՐԵԼ ԵՎ ՇՆՈՐՀԱԿԱԼԱԳՐԵՐՈՎ ՊԱՐԳԵՎԱՏՐԵԼ Է ՀՀ ԿՈՏԱՅՔԻ ՄՓՎ ՊԵՏԻՆ ԵՎ ԱԲՈՎՅԱՆԻ ՀՓՋ ՓՐԿԱՐԱՐՆԵՐԻՆ

Աբովյան համայնքի ղեկավար Էդուարդ Բաբայանը Փրկարարի օրվա առիթով ընդունել է ՀՀ ՆԳՆ Կոտայքի մարզային փրկարարական վարչության պետ Գևորգ Սեդրակյանին և Աբովյանի հրշեջ-փրկարարական ջոկատի ծառայողներին:

Համայնքի ղեկավարը շնորհավորել է ներկաներին մասնագիտական օրվա կապակցությամբ, ընդգծել արտակարգ իրավիճակների ու պատահարների ժամանակ կառույցի արագ արձագանքն ու մասնագիտական աշխատանքների պատշաճ կազմակերպումը:

Գնահատելով կառույցի հետևողականությունը, փրկարարների անձնվեր ու պատասխանատու աշխատանքը՝ համայնքի ղեկավարը շնորհակալագրեր է հանձնել ՀՀ ՆԳՆ Կոտայքի ՄՓՎ պետին և Աբովյանի հրշեջ-փրկարարական ջոկատի աշխատակիցներին:

04.09.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՓՐԿԱՐԱՐԻ ՕՐՎԱ ԿԱՊԱԿՑՈՒԹՅԱՄԲ

Սեպտեմբերի 4-ին Հայաստանում նշվում է Փրկարարի օրը. սա լավագույն առիթն է գնահատելու փրկարարների անվերապահ ծառայությունը, անձնվեր ու հանրօգուտ աշխատանքը:Մասնագիտական օրվա առիթով ջերմորեն շնորհավորում եմ ՀՀ ՆԳՆ փրկարար ծառայության բոլոր աշխատակիցներին: Պատերազմական և արտակարգ իրավիճակներում, աղետների ժամանակ հայ փրկարարները բազմիցս իրագործել են անհնարին թվացող սխրանքներ, փրկել կյանքեր՝ հաճախ վտանգելով իրենցը:Առանձնահատուկ ուզում եմ շնորհավորել և շնորհակալություն հայտնել Կոտայքի մարզային փրկարարական վարչությանը, Աբովյանի հրշեջ-փրկարարական ջոկատին՝ համայնքում ստեղծված արտակարգ իրավիճակներին արագ արձագանքելու և մասնագիտական պատշաճ գործունեություն իրականացնելու համար:Փրկարար ծառայության հարգելի՛ աշխատակիցներ.Մասնագիտության ... Մանրամասն

03.09.24 ԱԲՈՎՅԱՆԻ ՀԱՄԱՅՆՔԱՊԵՏԱՐԱՆԸ ՈՒՍՈՒՄՆԱԿԱՆ ՏԱՐՎԱ ՄԵԿՆԱՐԿԻՆ ԴՊՐՈՑԱԿԱՆ ՊԱՅՈՒՍԱԿՆԵՐ Է ՀԱՆՁՆԵԼ ՏԱՍԸ ԳՅՈՒՂԱԿԱՆ ԲՆԱԿԱՎԱՅՐԵՐԻ ԵՎ ԱՐՑԱԽՑԻ ԱՌԱՋԻՆ ԴԱՍԱՐԱՆ ՀԱՃԱԽՈՂ ԵՐԵԽԱՆԵՐԻՆ

Գիտելիքի և դպրության օրը տարբերվող ու հիշարժան է 1-ին դասարան հաճախող երեխաների համար. նրանց շնորհավորելու և օրն առավել ուրախ դարձնելու նպատակով՝

Աբովյանի համայնքապետարանը Սեպտեմբերի 1-ին ընդառաջ իրականցրել է անակնկալ նախաձեռնություն:

Վարչական կենտրոններում և Աբովյանի երեխաների աջակցության կենտրոնում ուսումնական տարվա մեկնարկի առթիվ շուրջ 600 դպրոցական պայուսակներ են հանձնվել բնակավայրերի և արցախցի 1-ին դասարան հաճախող երեխաներին:

02.09.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՈՒՂԵՐՁԸ ՍԵՊՏԵՄԲԵՐԻ 2-Ի՝ ԱՐՑԱԽԻ ԱՆԿԱԽՈՒԹՅԱՆ ՕՐՎԱ ԿԱՊԱԿՑՈՒԹՅԱՄԲ

Սեպտեմբերի 2-ը Արցախի Անկախության օրն է. 33 տարի առաջ այս օրը Արցախը հռչակեց իր անկախությունը Խորհրդային միությունից: Տարիներ շարունակ անսահման հպարտությամբ, ուրախությամբ և տոնական միջոցառումներով նշվող Սեպտեմբերի 2-ը, այսօր նույն տրամադրությունը չունի, սակայն մենք միասնաբար չպետք է մոռացության տանք մեր հայրենիքի երբեմնի հաղթական ու հպարտ էջերը:Արցախի Անկախության օրը ուզում եմ առաջնահերթ խորին հարգանքով ու խոնարհումով հիշենք արցախյան ազատամարտերում իրենց կյանքը նվիրաբերած հայորդիներին: Արցախի պաշտպանական ու ազատագրական մարտերում մենք չափազանց թանկ գին ենք վճարել. տվել անդառնալի կորուստներ:Կորսված Արցախն այսօր մեզ համար վառ հիշողություն է, նվիրական երազանք, շատ մոտ, միևնույն ժամանակ հեռվում գտնվող ... Մանրամասն

02.09.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՍԵՊՏԵՄԲԵՐԻ 1-Ի՝ ԳԻՏԵԼԻՔԻ ԵՎ ԴՊՐՈՒԹՅԱՆ ՕՐՎԱ ԱՌԻԹՈՎ

Սիրելի՛ աշակերտներ, ուսանողներ, հարգելի՛ մանկավարժներ.Ջերմորեն շնորհավորում եմ բոլորիդ Սեպտեմբերի 1-ի՝ Գիտելիքի և դպրության օրվա կապակցությամբ:Օրը տոնական ու հիշարժան է հատկապես առաջին դասարանցիների և բարձրագույն ուսումնական հաստատություններ մուտք գործող առաջին կուրսեցիների համար. շնորհավորում եմ ձեզ և ձեր ընտանիքներին. բարի երթ և հաջողություններ եմ մաղթում գիտելիքների մեծ ու հարուստ աշխարհում:Ուսումնական տարվա մեկնարկին առանձնահատուկ ուզում եմ անդրադառնալ Աբովյանի համայնքապետարանի ենթակայությամբ գործող մարզակրթական, կրթամշակութային և նախադպրոցական կրթական հաստատություններին, որտեղ որակյալ ուսումնական և հարմարավետ կենցաղային պայմանների ապահովման ուղղությամբ տարեցտարի հետևողական աշխատանքներ են ... Մանրամասն

29.08.24 ԻՐԱԶԵԿՈՒՄ. ՀՀ-ՈՒՄ ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԵՐԻ ՄԻԱՎՈՐՄԱՆ (ԿՈՆՍՈԼԻԴԱՑԻԱՅԻ) ԱՋԱԿՑՈՒԹՅԱՆ 2023-2025 ԹԹ. ԾՐԱԳՐԻ ՄԱՍԻՆ

ՀԱՅՏԱՐԱՐՈՒԹՅՈՒՆ Հայաստանի Հանրապետությունում գյուղատնտեսական նշանակության հողերի միավորման (կոնսոլիդացիայի) աջակցության 2023-2025 թվականների ծրագրի մասինԾրագրի հիմնական նպատակն է հողերի միավորման պետական աջակցության միջոցով խթանել արտադրողականության բարձրացմանը և ինքնարժեքի իջեցմանը, նոր աշխատատեղերի ստեղծմանը, հողերի նպատակային օգտագործմանը և արդյունավետ կառավարմանը, նպաստել գյուղատնտեսության ոլորտում ներդրումների ծավալների ավելացմանը և մրցունակության բարձրացմանը։ Ծրագիրը նախատեսվում է իրականացնել 2023-2025 թվականներին և ընդգրկելու է Հայաստանի Հանրապետության ամբողջ տարածքը։ Ծրագրի մասնակիցներն են ֆիզիկական և իրավաբանական անձինք, անհատ ձեռնարկատերերը (շահառու), Հայաստանի Հանրապետության էկոնոմիկայի ... Մանրամասն

27.08.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ՀԵՏԵՎԵԼ Է 4-ՐԴ ՄԻԿՐՈՇՐՋԱՆԻ ԷԴ. ԱՎԱԳՅԱՆ ՓՈՂՈՑՈՒՄ ԿԱՏԱՐՎՈՂ ԼԱՅՆԱԾԱՎԱԼ ՃԱՆԱՊԱՐՀԱՇԻՆԱՐԱՐԱԿԱՆ ԱՇԽԱՏԱՆՔՆԵՐԻՆ

Աբովյան քաղաքի 4-րդ միկրոշրջանում ճանապարհաշինարարական աշխատանքները շարունակվում են: Սուբվենցիոն ծրագրի շրջանակում ամբողջությամբ հիմնանորոգվում և ասֆալտապատվում է Էդ. Ավագյան փողոցը. կատարվում են նաև մայթերի բարեկարգման, եզրաքարերի փոխարինման և ջրահեռացման համակարգի կառուցման աշխատանքներ:Շինաշխատանքների ընթացքին օրերս տեղում հետևել է Աբովյան համայնքի ղեկավար Էդուարդ Բաբայանը, ծանոթացել աշխատանքների ծավալին և որակին, տվել համապատասխան ցուցումներ: Գլխավոր և բանուկ փողոցներում վերջնական որակյալ արդյունք ապահովելու նպատակով՝ համայնքի ղեկավարի ուշադրության կենտրոնում է վերակառուցման ողջ ընթացքը՝ սկսած հողային աշխատանքներից մինչև ասֆալտապատում:Էդ. Ավագյան փողոցի բարեկարգումը շուրջ 950 գծամետր երկարությամբ ... Մանրամասն

26.08.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԸ ԸՆԴՈՒՆԵԼ Է ՀԵՂԻՆԱԿԱՎՈՐ ՄԻՋԱԶԳԱՅԻՆ ՓԱՌԱՏՈՆԻՑ ՎԵՐԱԴԱՐՁԱԾ «ՆԱԶԵՆԻԿ» ԵՎ «ԱՐՄԵՆԻ» ՊԱՐԱՅԻՆ ԽՄԲԵՐԻ ՆԵՐԿԱՅԱՑՈՒՑԻՉՆԵՐԻՆ

Օգոստոսի 7-ից 13-ին Աբովյան համայնքի «Նազենիկ» պարային ստուդիան և «Արմենի» պարային համույթը Հայաստանի պատվիրակության կազմում մասնակցել են Մոնտենեգրոյի Հանրապետությունում կայացած «Folk Fest Montenegro» հեղինակավոր միջազգային փառատոնին: Սերբիայի, Իտալիայի, Լեհաստանի և այլ եվրոպական երկրների մասնակցությամբ կայացած միջոցառմանը հայ մշակույթն ու պարարվեստը համայնքի կատարողների շնորհիվ ներկայացվել է բարձր մակարդակով և գրավել օտարերկրյա հանդիսականի ուշադրությունը:Միջազգային փառատոնին հաջողված ելույթների, մեր համայնքն ու երկիրը պատվով ներկայացնելու առիթով՝ Աբովյան համայնքի ղեկավար Էդուարդ Բաբայանը ընդունել է «Նազենիկ» և «Արմենի» պարային խմբերի ... Մանրամասն

23.08.24 ԱԲՈՎՅԱՆ ՀԱՄԱՅՆՔԻ ՂԵԿԱՎԱՐ ԷԴՈՒԱՐԴ ԲԱԲԱՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՕԳՈՍՏՈՍԻ 23-Ի՝ ՀԱՅԱՍՏԱՆԻ ԱՆԿԱԽՈՒԹՅԱՆ ՀՌՉԱԿԱԳՐԻ ԸՆԴՈՒՆՄԱՆ ՕՐՎԱ ԿԱՊԱԿՑՈՒԹՅԱՄԲ

Հայաստանի նորանկախ Հանրապետության ստեղծման հիմքում կարևոր ու հիշարժան ամսաթիվ է 1990 թվականի օգոստոսի 23-ը, երբ Գերագույն խորհրդի առաջին նստաշրջանում ընդունվեց Հայաստանի Անկախության Հռչակագիրը և սկիզբ դրվեց անկախ Հայաստանի Հանրապետության ձևավորման գործընթացին:Սիրելի՛ հայրենակիցներ.Ջերմորեն շնորհավորում եմ բոլորիս Անկախության Հռչակագրի ընդունման օրվա կապակցությամբ: 34 տարի առաջ՝ դժվարին պայմաններում և պատերազմական իրավիճակում, հաղթեց հայ ազգի գաղափարական միասնությունը, ազատ ու ինքնիշխան հայրենիք ունենալու մեծագույն ցանկությունն ու վճռականությունը: Հռչակագիրը որպես հիմնարար փաստաթուղթ սկիզբ դրեց Հայաստանի նոր կենսագրությանը, որը լի էր բազում բարդություններով, առաջխաղացումներով ու կորուստներով, ... Մանրամասն

1 2 3 4 5 6 7 8 9 10 ...