Զեկ. ԵՂԻՇԵ ԱՎԵՏԻՍՅԱՆ

Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 3-րդ ենթակետի և 2-րդ կետի, Աբովյան համայնքի ավագանու 2023 թվականի դեկտեմբերի 22-ի N 198-Ն և N 199-Ն որոշումների, հիմք ընդունելով Սևադա Գյուրջյանի և Թամարա Խուդավերդյանի դիմումը (մուտք՝ 2024 թվականի հոկտեմբերի 31-ի N Ք-7867), Աբովյան համայնքի ավագանին ո ր ո շ ու մ է.
1. Սևադա Յուրիկի Գյուրջյանին և Թամարա Գևորգի Խուդավերդյանին ընդհանուր սեփականության իրավունքով պատկանող (հիմք՝ 2023 թվականի հուլիսի 27-ի N 03072024-07-0011 վկայական) Աբովյան համայնքի Առինջ գյուղի Խ. Աբովյան թաղամասի 10-րդ փողոցի թիվ 13 հասցեում գտնվող 07-011-0358-0093 կադաստրային ծածկագրով բնակավայրերի նպատակային նշանակության 908.1 քառակուսի մետր մակերեսով բնակելի կառուցապատման հողամասին կից Աբովյան համայնքի սեփականություն հանդիսացող (հիմք՝ 2024 թվականի հուլիսի 15-ի N 15072024-07-0143 վկայական) Առինջ գյուղի Խ. Աբովյան թաղամասի 10-րդ փողոցի թիվ 17/1 հասցեում գտնվող 07-011-0358-0137 կադաստրային ծածկագրով 153.7 քառակուսի մետր մակերեսով բնակավայրերի նպատակային նշանակության բնակելի կառուցապատման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-011-0358-0093 կադաստրային ծածկագրով հողամասի համատեղ սեփականատերեր Սևադա Յուրիկի Գյուրջյանին և Թամարա Գևորգի Խուդավերդյանին։
2. Սույն որոշման 1-ին կետում նշված անձինք պարտավոր են՝
1) Աբովյանի համայնքապետարանի 900105201363 հաշվեհամարին վճարել 1 615 972 (մեկ միլիոն վեց հարյուր տասնհինգ հազար ինը հարյուր յոթանասուներկու) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են սույն որոշման 1-ին կետում նշված անձանց կողմից։
4. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից։