Զեկ. ԵՂԻՇԵ ԱՎԵՏԻՍՅԱՆ

Համաձայն «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Աբովյան համայն­քի ավագանու 2023 թվականի դեկտեմբերի 22-ի N 199-Ն որոշման, հաշվի առնելով «ՎԱՐՄՕՆ ՌԻԵԼԹԻ» սահմանափակ պատասխանատվությամբ ընկերության 2022 թվականի դեկտեմբերի 6-ի թիվ «413Ը-01/Վ-022» գնահատման հաշվետվությունը, որով անշարժ գույքը գնահատվել է 500 000 (հինգ հարյուր հազար) դրամ, նկատի ունենալով այն հանգամանքը, որ Մետաքսյա Խաչատրյանի ընտանիքը 2001 թվականից բնակվում է սեփականության իրավունքով իրենց պատկանող Աբովյան համայնքի Աբովյան քաղաքի 3-րդ միկրոշրջանի 14 շենքի թիվ 42/1 բնակարանում և տնօրինում ու տիրապետում է նաև հարևան երկու սենյակները՝ Աբովյան քաղաքի 3-րդ միկրոշրջանի 14 շենքի թիվ 42/2 բնակարանը, հիմք ընդունելով Մետաքսյա Խաչատրյանի դիմումը (մուտք՝ 2024 թվականի մարտի 04-ի N Ք-1553), Աբովյան համայնքի ավագանին  ո ր ո շ ու մ  է` 
1. Աբովյան համայնքի սեփականություն հանդիսացող (հիմք` 2022 թվականի նոյեմբերի 4-ի N 04112022-07-0061 վկայական) Աբովյան քաղաքի 3-րդ միկրոշրջանի 14 շենքի 21.99 քառակուսի մետր ընդհանուր մակերեսով թիվ 42/2 բնակարանն ուղղակի վաճառքով` 500 000 (հինգ հարյուր հազար) դրամով, օտարել Մետաքսյա Վանուշի Խաչատրյանին, Տարոն Գագիկի և Տաթևիկ Գագիկի Կիրակոսյաններին:
2. Սույն որոշման 1-ին կետում նշված անձինք պարտավոր են վճարել.
1) Աբովյանի համայնքապետարանի 900105201777 հաշվեհամարին 500 000 (հինգ հարյուր հազար) դրամ` բնակարանի գինը,
2) Աբովյանի համայնքապետարանի 900105201652 հաշվեհամարին 73 000 (յոթանասուներեք հազար) դրամ` բնակելի տարածքի օտարման փաստաթղթերի կազմման համար ծառայության վճար:
3. Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է սույն որոշման 1-ին կետում նշված անձանց կողմից:
4. Սույն որոշումն ուժի մեջ մտնելու օրվանից 60-օրյա ժամկետում որոշումից ծագող գույքային իրավունքների նոտարական ձևակերպում չկատարելու դեպքում որոշումը կհամարվի ուժը կորցրած:
5. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: