Համաձայն Հողային օրենսգրքի 71-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, Աբովյան համայնքի ավագանու 2022 թվականի ապրիլի 15-ի N 25-Ն և 26-Ն որոշումների, հաշվի առնելով Աբել Մելիքսեթյանի դիմումը (մուտք՝ 2021 թվականի հունիսի 24-ի N Ք-2358), Աբովյան համայնքի ավագանին ո ր ո շ ու մ է.
1. Համաձայնություն տալ Աբել Մելիքսեթյանին սեփականության իրավունքով պատկանող (հիմք` 2011 թվականի դեկտեմբերի 06-ի N 2810750 վկայական) Աբովյան համայնքի Աբովյան քաղաքի Էդ. Պետրոսյան փողոցի թիվ 1/2/6 հասցեում գտնվող 75.0 քառակուսի մետր մակերեսով հասարակական կառուցապատման հողամասի փոխանակմանը Աբովյան համայնքի սեփականություն հանդիսացող (հիմք՝ 2022 թվականի հուլիսի 18-ի N 18072022-07-0132 վկայական) Աբովյան համայնքի Աբովյան քաղաքի Է. Պետրոսյան փողոցի թիվ 14 հասցեում գտնվող 75.0 քառակուսի մետր մակերեսով հասարարակական կառուցապատման հողամասի հետ:
2. Աբել Մելիքսեթյանը պարտավոր է Աբովյանի համայնքապետարանի 900105201652 հաշվեհամարին մուծել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 5 000 (հինգ հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Աբել Մելիքսեթյանի կողմից:
4. Սույն որոշումն ուժի մեջ է մտնում Աբել Մելիքսեթյանին որոշման ընդունման մասին իրազեկելու օրվան հաջորդող օրվանից: |