Համաձայն Հողային օրենսգրքի 71-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված կարգի 29-36-րդ կետերի, Աբովյան համայնքի ավագանու 2023 թվականի դեկտեմբերի 22-ի N 198-Ն և 199-Ն որոշումների, հաշվի առնելով Արմեն Նալբանդյանի դիմումը (մուտք՝ 2024 թվականի դեկտեմբերի 02-ի N Ք-8666), Աբովյան համայնքի ավագանին ո ր ո շ ու մ է.
1. Համաձայնություն տալ Արմեն Նալբանդյանին սեփականության իրավունքով պատկանող (հիմք` 2024 թվականի մայիսի 27-ի N 27052024-07-0159 վկայական) Աբովյան քաղաքի Տարտուի փողոցի թիվ 32/1 հասցեում գտնվող 24.9 քառակուսի մետր մակերեսով հասարակական կառուցապատման հողամասի փոխանակմանը Աբովյան համայնքի սեփականություն հանդիսացող (հիմք՝ 2024 թվականի հունիսի 14-ի N 14062024-07-0147 վկայական) Աբովյան քաղաքի Հատիսի փողոցի թիվ 97 հասցեում գտնվող 24.9 քառակուսի մետր մակերեսով հասարակական կառուցապատման հողամասի հետ:
2. Արմեն Նալբանդյանը պարտավոր է Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ` համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Արմեն Նալբանդյանի կողմից:
4. Սույն որոշումն ուժի մեջ է մտնում Արմեն Նալբանդյանին որոշման ընդունման մասին իրազեկելու օրվան հաջորդող օրվանից: |