Համաձայն Հողային օրենսգրքի 66-րդ հոդվածի 1-ին մասի 8-րդ կետի և 2-րդ մասի, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ ենթակետի, 2-րդ կետի, Աբովյան համայնքի ավագանու 2025 թվականի հունվարի 23-ի N 04-Ն որոշման, հիմք ընդունելով Հովհաննես Հայրապետյանի դիմումը (մուտք՝ 2025 թվականի հունիսի 09-ի N Ք-3830), Աբովյան համայնքի ավագանին ո ր ո շ ու մ է.
1. Հովհաննես Հայրապետյանին սեփականության իրավունքով պատկանող (հիմք՝ 2023 թվականի ապրիլի 12-ի N 12042023-07-0135 վկայական) Աբովյան համայնքի Գետարգել գյուղի 1-ին փողոցի 1-ին նրբանցքի թիվ 4 հասցեում գտնվող 07-058-0011-0009 կադաստրային ծածկագրով բնակավայրերի նպատակային նշանակության 896.9 քառակուսի մետր մակերեսով բնակելի կառուցապատման հողամասին կից Աբովյան համայնքի սեփականություն հանդիսացող (հիմք՝ 2025 թվականի հունիսի 08-ի N 08062025-07-0001 վկայական) Աբովյան համայնքի Գետարգել գյուղի 1-ին փողոցի 1-ին նրբանցքի թիվ 4/1 հասցեում գտնվող 07-058-0011-0012 կադաստրային ծածկագրով 87.0 քառակուսի մետր մակերեսով բնակավայրերի նպատակային նշանակության բնակելի կառուցապտաման հողամասը կադաստրային արժեքով, ուղղակի վաճառքով, ընդլայնման նպատակով օտարել սահմանակից ընդլայնվող 07-058-0011-0009 կադաստրային ծածկագրով հողամասի սեփականատեր Հովհաննես Վլադիմիրի Հայրապետյանին։
2. Հովհաննես Հայրապետյան պարտավոր է՝
1) Աբովյանի համայնքապետարանի 900105201363 հաշվեհամարին վճարել 594 585 (հինգ հարյուր իննսունչորս հազար հինգ հարյուր ութսունհինգ) դրամ՝ օտարվող հողամասի կադաստրային արժեքը.
2) Աբովյանի համայնքապետարանի 900105201652 հաշվեհամարին վճարել 65 000 (վաթսունհինգ հազար) դրամ՝ համայնքի մատուցած ծառայությունների դիմաց փոխհատուցման վճար և 10 000 (տասը հազար) դրամ՝ հասցեի տրամադրման ծառայության վճար:
3. Սահմանել, որ սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումները կատարվում են Հովհաննես Հայրապետյանի կողմից։
4. Սույն որոշումն ուժի մեջ է մտնում Հովհաննես Հայրապետյանին որոշման ընդունման մասին իրազեկելու օրվան հաջորդող օրվանից։ |