Համաձայն Քաղաքացիական օրենսգրքի 594-596-րդ հոդվածների, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետի, հաշվի առնելով Լիլիթ Խեչոյանի դիմումը և Աբովյան համայնքի սոցիալապես անապահով ընտանիքներին սոցիալական աջակցություն ցուցաբերելու գործընթացն ապահովող մշտական հանձնաժողովի 2021 թվականի մայիսի 20-ի եզրակացությունը, Աբովյան համայնքի ավագանին  ո ր ո շ ու մ  է` 
1. Համայնքի սեփականություն հանդիսացող (հիմք` 2008 թվականի օգոստոսի 4-ի N 2534222 վկայական և Աբովյան համայնքի ղեկավարի 2016 թվականի նոյեմբերի 17-ի N 1174 որոշում) Աբովյան քաղաքի Հանրակացարանային թաղամասի 6-րդ շենքի 13.6 քառակուսի մետր ընդհանուր մակերեսով թիվ 65 բնակարանն անհատույց օտարել Լիլիթ Խեչոյանին:
2.  Սույն որոշումից ծագող գույքային իրավունքների նոտարական ձևակերպման և պետական գրանցման հետ կապված վճարների ու տուրքերի վճարումը կատարվում է Լիլիթ Խեչոյանի կողմից:
3. Սույն որոշումն ուժի մեջ է մտնում Լիլիթ Խեչոյանին որոշման ընդունման մասին իրազեկելու օրվան հաջորդող օրվանից: