Համաձայն Հողային օրենսգրքի 3-րդ հոդվածի, «Տեղական ինքնակառավարման մասին» օրենքի 18-րդ հոդվածի 1-ին մասի 29-րդ կետի, «Քաղաքաշինության մասին» օրենքի 14³-րդ հոդվածի 5-րդ մասի, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 60-րդ կետի, Աբովյան համայնքի ավագանու 2022 թվականի ապրիլի 15-ի N 26-Ն որոշման, հաշվի առնելով «Վի-Դի-Էյ Դայմոնդս» սահմանափակ պատասխանատվությամբ ընկերության տնօրենի լիազորած անձ Զարինե Ոսկանյանի դիմումը (մուտք՝ 2022 թվականի օգոստոսի 10-ի N Տ-948) և հիմք ընդունելով Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի 2022 թվականի նոյեմբերի 30-ի N 1/փ-282 դրական եզրակացությունը, Աբովյան համայնքի ավագանին ո ր ո շ ու մ  է՝
1. «Վի-Դի-Էյ Դայմոնդս» սահմանափակ պատասխանատվությամբ ընկերությանը սեփականության իրավունքով պատկանող (հիմք՝ 2022 թվականի հուլիսի 18-ի N 18072022-07-0036 վկայական, կադաստրային ծածկագիր՝ 07-002-0118-0017) Աբովյան համայնքի Աբովյան քաղաքի Է. Պետրոսյան փողոցի 16/1 հասցեում գտնվող 0.27065 հեկտար մակերեսով բնակավայրերի նպատակային նշանակության հասարակական կառուցապատման հողամասի նպատակային նշանակությունը փոխել որպես արդյունաբերության, ընդերքօգտագործման և այլ արտադրական նշանակության արդյունաբերական օբյեկտների հողամաս։
2. «Վի-Դի-Էյ Դայմոնդս» սահմանափակ պատասխանատվությամբ ընկերությունը  պարտավոր է Աբովյանի համայնքապետարանի 900105201652 հաշվեհամարին մուծել 320 650 (երեք հարյուր քսան հազար վեց հարյուր հիսուն) դրամ՝ որպես հողամասի գործառնական նշանակության փոփոխության վճար:
3. Սույն որոշումն ուժի մեջ է մտնում որոշման ընդունման մասին իրազեկելու օրվան հաջորդող օրվանից: